’Πάρθεν η Ρωμανία

Προβολή Τραγουδιού

Έναν πουλίν, καλόν πουλίν
εβγαίν’ από την Πόλην [νέι/βάι εμάς!]
Ουδέ σ’ αμπέλια εκόνεψεν,
ουδέ σα περιβόλια [νέι/βάι εμάς!]
Επήεν και -ν- εκόνεψεν
σ’ Αγια-Σοφιάς την πόρταν [νέι/βάι εμάς!]
Ένοιξεν τ’ έναν το φτερόν,
σο αίμαν βουτεμένον! [νέι/βάι εμάς!]

Και σ’ άλλο το φτερόν εθε,
χαρτίν βαστά γραμμένον! [νέι/βάι εμάς!]
Ατό κανείς ’κι αναγνώθ’,
κανείς ’κι ξέρ’ ντο λέει! [νέι/βάι εμάς!]
Μηδέ κι ο πατριάρχης μου
με όλους τους παπάδες! [νέι/βάι εμάς!]
Έναν παιδίν, καλόν παιδίν
πάει και αναγνώθει [νέι/βάι εμάς!]

Σίτ’ αναγνώθ’ και σίτι͜αν κλαίει,
σίτι͜α κρούει την καρδίαν [νέι/βάι εμάς!]
«Αηλί εμάς και βάι εμάς!
’Πάρθεν η Ρωμανία!» [νέι/βάι εμάς!]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
βουτεμένον	βουτηγμένο
εβγαίν’	βγαίνει
εθε	του/της
εκόνεψεν	εγκαταστάθηκε, φώλιασε, προσγειώθηκε	konmak
ένοιξεν	άνοιξε
επήεν	πήγε
’κι	δεν	οὐκί<οὐχί
κρούει	χτυπάει	κρούω
’πάρθεν	(επάρθεν) πάρθηκε, αλώθηκε
σίτ’	καθώς, ενώ	σόταν<εις όταν
σίτι͜α	καθώς, ενώ	σόταν<εις όταν
σίτι͜αν	καθώς, ενώ	σόταν<εις όταν