Εκεί σα υψηλά

Προβολή Τραγουδιού

Συνθέτες: Μιχάλης Καλιοντζίδης, Παραδοσιακό

Καλλιτέχνες: Μιχάλης Καλιοντζίδης, Στάθης Νικολαΐδης

Πολλά παιδία ετράνυνες,
έναν σουμά σ’ ’κ’ επέμ’νεν!
Ολόερα να κλώσ̌κεσαι
η ψ̌η σ’ αδά επέμ’νεν

Αέτσ’ έτον το ριζικόν,
μάνα, τυραννισμέντσα
Πολλά έσαν τα βάσανα σ’,
μάνα, καρδοκαμέντσα

Απέσ’ σ’ ορμάνι͜α τη χωρί’,
αφκά ση λαγκαδέαν
Μάνα, εμάς ετράνυνες
μετ’ έναν εμποδέαν

Θεέ μ’, να ποδεδίζω σε
εκεί σα υψηλά -ι
Να κείται σον Παράδεισον
σ’ αγγέλου τα φτερά -ι

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αέτσ’	έτσι
απέσ’	μέσα
αφκά	κάτω
εμποδέαν	ποδιά
επέμ’νεν	απόμεινε
έσαν	ήταν
έτον	ήταν
ετράνυνες	μεγάλωσες, ανατράφηκες	τρανόω-ῶ
’κ’	δεν	οὐκί<οὐχί
καρδοκαμέντσα	αυτή που έχει καμένη καρδιά
κείται	κείτεται, ξαπλώνει
κλώσ̌κεσαι	γυρίζεις, επιστρέφεις
μετ’	μαζί με (με αιτιατική), με (τρόπος)
να ποδεδίζω	να χαρώ κπ
ολόερα	ολόγυρα
ορμάνι͜α	δάση	orman
παιδία	παιδιά
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πολλά	(επίθ.) πολλά, (επίρρ.) πολύ
σουμά	κοντά
τυραννισμέντσα	τυραννισμένη, ταλαιπωρημένη
χωρί’	χωριού
ψ̌η	ψυχή