Τ’ οσπίτι σ’ ετριύλιζα

Προβολή Τραγουδιού

Ζωή, πέει με ντ’ εποίκα σε/Τ’ οσπίτι σ’ ετριύλιζα

Καλλιτέχνες: Νίκος Ιωαννίδης, Χρύσανθος Θεοδωρίδης

Τ’ οσπίτι σ’ ετριύλιζα
κι εκράν’να ας σα κεράνια
Εσύ την πόρταν ’κ’ ένοιες
κι έτρωγα τα ποράνια

Πόσα φοράς, μικρόν πουλί μ’,
σην αύλι͜α σ’ εβραδι͜άστα;
Κι εσύ την πόρταν ’κ’ ένοιες
και με τα δάκρυ͜α εχπάστα

Σην πόρτα σ’ πάω κι έρχουμαι,
έν’ πάντα κλειδωμένον
Έναν πρωίν θ’ ευρήκ’νε με
οξ̌ουκά αποθαμένον

Σύρον το μακρύν την καϊτέν,
ν’ ακούω τη λαλία σ’
Έλα, πουλί μ’, σα ήμαρτα,¹
ποίσον την αρθωπία σ’

Γλωσσάρι

Κείμενο	Επεξήγηση	Ετυμ. Ρίζα
αποθαμένον	πεθαμένος/ο
αρθωπία	ανθρωπιά, ευεργεσία
αύλι͜α	αυλή
εβραδι͜άστα	βραδιάστηκα
εκράν’να	κρατούσα
έν’	είναι
ένοιες	άνοιγες
έρχουμαι	έρχομαι
ετριύλιζα	τριγύριζα, περιτριγύριζα
ευρήκ’νε	βρίσκουν
εχπάστα	αναχώρησα, κίνησα για
ήμαρτα	ήμαρτον, δηλωτικό μετάνοιας, από τον αόριστο β΄ του αρχαίου ρήματος ἁμαρτάνω (αμάρτησα), έκφ. έλα σα ήμαρτα=μετανόησε
’κ’	δεν	οὐκί<οὐχί
καϊτέν	μελωδία, μουσική σύνθεση, μουσικός σκοπός	kayde
κεράνια	πάσσαλοι περίφραξης κήπου	գերան (geran)=κορμός δέντρου/δοκάρι
λαλία	λαλιά, φωνή
οξ̌ουκά	έξω
οσπίτι	σπίτι	hospitium<hospes
ποίσον	(προστ.) κάνε, φτιάξε	ποιέω, ποιῶ
ποράνια	μπόρες, καταιγίδες	boran<βενετ. bora<λατ. Boreas <Βορέας (αντιδάνειο)
σύρον	(προστ.) σύρε, τράβα, ρίξε
φοράς	φορές

Σημειώσεις

¹ (εκφ) έλα σα ήμαρτα: μετανόησε