Αέτσ’ μαθάν’νε γράμματα

Προβολή Τραγουδιού

Καλλιτέχνες: Κώστας Σιώπης, Φάνης Κουρουκλίδης, Χρήστος Παπαδόπουλος

Σ’ έναν χωράφ’ επέθανεν
ο κύρη σ’ νεγκασμένος
Για να μαθίζ’ σε γράμματα
έφυεν πονεμένος

Αέτσ’ μαθάν’νε γράμματα,
γιάσ̌α Γιωρίκα, γιάσ̌α!
Ένα βιβλίον σο κουλτούκ’,
η τενεκι͜άν σην ράχ̌ι͜αν

Γιωρίκα, επέμ’νες ορφανός
μ’ ένα τρανόν φορτίον
Όλ’ την ημέρα σο γιαπίν,
το βράδυν σο σχολείον

Αέτσ’ μαθάν’νε γράμματα,
γιάσ̌α Γιωρίκα, γιάσ̌α!
Ένα βιβλίον σο κουλτούκ’,
η τενεκι͜άν σην ράχ̌ι͜αν

Χαράν ’κ’ εγνώρτσες ση ζωήν,
ντο έπρεπεν εποίκες
Για τη πατέρα σ’ το χατίρ’
τα γράμματα ’κ’ εφέκες

Αέτσ’ μαθάν’νε γράμματα,
γιάσ̌α Γιωρίκα, γιάσ̌α!
Ένα βιβλίον σο κουλτούκ’,
η τενεκι͜άν σην ράχ̌ι͜αν

Αέτσ’ μαθάν’νε γράμματα,
γιάσ̌α Γιωρίκα, γιάσ̌α!
Ένα βιβλίον σο κουλτούκ’,
η τενεκι͜άν σην ράχ̌ι͜αν

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
γιαπίν	ημιτελής οικοδομή	yapı
γιάσ̌α	να ζεις! να ζήσετε!	yaşa!
εγνώρτσες	γνώρισες
επέθανεν	πέθανε
επέμ’νες	απόμεινες
εποίκες	έκανες, έφτιαξες	ποιέω-ῶ
εφέκες	άφησες
έφυεν	έφυγε
’κ’	δεν	οὐκί<οὐχί
κουλτούκ’	μασχάλη, άκρια/απόμερος τόπος	koltuk
μαθάν’νε	μαθαίνουν
μαθίζ’	μαθαίνω/ει κτ σε κπ, διδάσκει
νεγκασμένος	κουρασμένος
όλ’	όλοι/α
ράχ̌ι͜αν	ράχη, πλάτη
τενεκι͜άν	τενεκές	teneke/tanga, tanuke
χατίρ’	χάρη, σεβασμός, υπόληψη	hatır/ḫāṭir