Τρία είναι τα κακά

Προβολή Τραγουδιού

Καλλιτέχνες: Φάνης Κουρουκλίδης, Χρήστος Παπαδόπουλος

Τρία είναι τα κακά
ντο εδέκεν ο Θεόν
Ορφανός και μαναχός,
ίλα̤, ίλα̤ -ν- εφτωχός

Ορφανός αν απομέντς,
τιδέν άλλο μ’ αναμέντς
Πάντα κείσαι μαναχός
και καν’νάν ’κι περιμέντς

Μαναχός αν απομέντς
ας σ’ οσπίτι σ’ έξ’ μ’ εβγαίντς
Νέ ν’ ελέπ’ς και νέ ν’ ακούς
και όλα̤ ν’ απιδα̤βαίντς

Εφτωχός αν απομέντς,
δέβα σοι πουγαλεμέντς
Εντάμαν παρέα κλαψέστεν,
εις τον άλλον παρ’γορέψτεν

Τρία είναι τα κακά
ντο εδέκεν ο Θεόν
Ορφανός και μαναχός,
ίλα̤, ίλα̤ -ν- εφτωχός

Γλωσσάρι

Κείμενο	Επεξήγηση	Ετυμ. Ρίζα
αναμέντς	περιμένεις
απιδα̤βαίντς	φεύγεις, αφήνεις πίσω, προσπερνάς, ξεπερνάς	από + διαβαίνω
απομέντς	απομένεις
ας σ’	(ας σου) από του, από τότε που/αφότου, (ας σο) από το/τα
δέβα	(προστ.) πήγαινε
εβγαίντς	βγαίνεις
εδέκεν	έδωσε
ελέπ’ς	βλέπεις
εντάμαν	μαζί
έξ’	έξω ή ο αριθμός έξι
εφτωχός	φτωχός
ίλα̤	προπαντώς, ιδιαίτερα, ειδικά	illa/illā
καν’νάν	κανέναν
κείσαι	κείτεσαι, ξαπλώνεις
’κι	δεν	οὐκί<οὐχί
κλαψέστεν	(προστ.) κλάψτε, θρηνήστε
μαναχός	μοναχός, μόνος
νέ	ούτε	ne
οσπίτι	σπίτι	hospitium<hospes
παρ’γορέψτεν	(προστ.) παρηγορήστε
περιμέντς	περιμένεις
σοι	στους/στις, τους/τις
τιδέν	τίποτα