Ταμάμα

Προβολή Τραγουδιού

Καλλιτέχνες: Κώστας Σιώπης, Φάνης Κουρουκλίδης, Χορωδία, Χρήστος Παπαδόπουλος

Μικρόν κορτσόπον, ορφανόν,
κανέναν ’κ’ έ͜εις σο γιάνι σ’
Έφυεν με παράπονον
ο κύρ’-τ- σ’ ο παπα-Γιάννης

Όλεν εχάθαν για τ’ εσέν,
ονέρ’τα και ομούτα̤
Γυρευόν πού να ευρήκ’ς ψωμίν
σα τούρκικα τ’ οσπίτα̤;

Να έν’ καλά ο Μουσταφά,
λαφρύν’ να έν’ η ψ̌η ατ’
Επέρεν και -ν- ετράνυνεν
εσέν άμον παιδίν ατ’

Πενήντα χρόνι͜α εδέβανε
με πόνον και με κλάμαν
Εγέντον η Ανάσταση
ας σην πατσ̌ή σ’, Ταμάμα!

Εντάμωσαν τα δά̤κρα̤ σουν
με την αροθυμίαν
Εκλαίντσετεν οι δύος πα
Ελλάδαν και Τουρκίαν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αροθυμίαν	νοσταλγία
γιάνι	πλάι, πλευρό	yan
γυρευόν	επαίτη(ς), ζητιάνο(ς)
δά̤κρα̤	δάκρυα
δύος	δύο
έ͜εις	έχεις
εγέντον	έγινε
εδέβανε	(για τόπο) πέρασαν, διέσχισαν (για χρόνο) πέρασαν	διαβαίνω
εκλαίντσετεν	στενοχωρήσατε, κάνατε κπ να κλάψει
έν’	είναι
επέρεν	πήρε
ετράνυνεν	μεγάλωσε, ανατράφηκε	τρανόω-ῶ
ευρήκ’ς	βρίσκεις
έφυεν	έφυγε
εχάθαν	χάθηκαν
’κ’	δεν	οὐκί<οὐχί
κορτσόπον	κοριτσάκι
κύρ’	πατέρα
λαφρύν’	ελαφρύνει
όλεν	όλη/ο, ολόκληρη/ο
ομούτα̤	ελπίδες	umut
ονέρ’τα	όνειρα
οσπίτα̤	σπίτια	hospitium<hospes
πα	πάλι, επίσης, ακόμα
σουν	σας
ψ̌η	ψυχή