Μαυρομματοφρυδόνα μ’

Προβολή Τραγουδιού

Στιχουργοί: Ηλίας Ηλιόπουλος, Μάκης Αθανασιάδης

Έλα να ποδεδίζω σε,
μαυρομματοφρυδόνα μ’
Εγροίκ’σα πως την ψ̌η μ’ θα παίρτς,
τογρίν μαχ̌αίρ’ ακόνα

Εσύ είσαι δι͜αβόλ’ εγγόν’
και μάισσας θεγατέρα
Πολλά τέρτι͜α και βάσανα
ας ση σεβντά σ’ επέρα

Εξέρτς ’κι ’ξέρτς, μη καλατσ̌εύ’ς,
ντο λες τα λόγια, νούντσον!
Ατά τα τσ̌αλιμόπα σου
αλλού κέσ’ δέβα πούλτσον

Σάεψον είμαι παλαλός,
ανάγκην καν’νάν ’κ’ έχω
Άμον το τσ̌οπανόσ̌κυλον
απ’ οπίσ’ ι-σ’ θα τρέχω

Άνθεν χ̌ερού, στέκ’ το κεράσ’,
κάθεν χ̌ερού, το μήλον
Την έμορφον που θα φιλεί
κάποτε τρώει και ξύλον

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
άνθεν	επάνω, από πάνω
άνθεν χ̌ερού	προς τα πάνω	ἄνω + -θεν + χείρ
ατά	αυτά
δέβα	(προστ.) πήγαινε
δι͜αβόλ’	(ον.πληθ.) διάβολοι, (γεν. ενικ.) διαβόλου
εγροίκ’σα	κατάλαβα
έμορφον	όμορφο
εξέρτς	ξέρεις, γνωρίζεις
επέρα	πήρα
θεγατέρα	θυγατέρα, κόρη
’κ’	δεν	οὐκί<οὐχί
κάθεν	κάτω, κάθε
καλατσ̌εύ’ς	μιλάς, συνομιλείς, συζητάς	keleci=καλός λόγος (Παλαιά Τουρκική Ανατολίας)
καν’νάν	κανέναν
κεράσ’	κεράσι, κερασιά
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
μάισσας	μάγισσας
μαχ̌αίρ’	μαχαίρι
να ποδεδίζω	να χαρώ κπ
νούντσον	(προστ.) σκέψου
’ξέρτς	(εξέρτς) ξέρεις
οπίσ’	πίσω
παίρτς	παίρνεις
παλαλός	τρελός, ανόητος
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πολλά	(επίθ.) πολλά, (επίρρ.) πολύ
πούλτσον	(προστ.) πούλησε
σάεψον	(προστ.) υπολόγισε, εκτίμησε, λογάριασε	saymak
σεβντά	αγάπη, έρωτας	sevda/sevdā
τέρτι͜α	καημοί, βάσανα, στενοχώριες	dert
τογρίν	αληθινό, ίσιο, ευθύ, σωστό	doğru
τσ̌αλιμόπα	(υποκορ.) επιδέξιες κινήσεις (σε χορό κ.ά.), σκέρτσα, καμώματα	çalım + -όπον
ψ̌η	ψυχή