Προβολή Τραγουδιού
Μεταξοζύγιστον |
ΜεταξοζύγιστονΣτιχουργοί: Αγγελική Παμπουκίδου
Συνθέτες: Παναγιώτης Χωλόπουλος
Καλλιτέχνες: Γιώργος Σιαμλίδης, Θόδωρος Κοτίδης
Αρνί μ’, μεταξοζύγιστον χ̌αίρουμαι είμαι ταίρι σ’ ’Ποίκα κρεβάτ’ την εγκάλια σ’, μαξιλάρ’ το σπαλέρι σ’ Τένι-τένι, τένι-τένα, το πουλί μ’ μαναχόν κι ένα! Τένι-τένι, τένι-τα, τα κρίματα μουν πολλά! Σαρίν αρνόπο μ’ και μικρόν, σην εγκάλια μ’ ντο κείσαι Ας ση Θεού τα θάματα το τρανόν εσύ είσαι Τένι-τένι, τένι-τένα, το πουλί μ’ μαναχόν κι ένα! Τένι-τένι, τένι-τα, τα κρίματα μουν πολλά! Με το κοντύλ’ν ατ’ το χρυσόν έβαψεν τα μαλλία σ’ και με το χ̌ι͜όν’ ας σα ραχ̌ι͜ά τ’ άσπρα ’ποίκεν τα ψ̌ήα σ’! Τένι-τένι, τένι-τένα, το πουλί μ’ μαναχόν κι ένα! Τένι-τένι, τένι-τα, τα κρίματα μουν πολλά! Με το χρώμαν τη θάλασσας έβαψεν τ’ ομματόπα σ’ Αν ψαλαφούνε με θέκω το ψ̌όπο μ’ σα χ̌ερόπα σ’ Τένι-τένι, τένι-τένα, το πουλί μ’ μαναχόν κι ένα! Τένι-τένι, τένι-τα, τα κρίματα μουν πολλά!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αρνόπο | αρνάκι, χαϊδευτική προσφώνηση γυναίκας | ||
| έβαψεν | εμβάπτισε, βύθισε σε υγρό | βάφτω | |
| εγκάλια | αγκαλιά | ||
| θάματα | θαύματα | ||
| θέκω | θέτω, τοποθετώ, βάζω | ||
| κείσαι | κείτεσαι, ξαπλώνεις | ||
| κοντύλ’ν | κοντύλι | ||
| μαναχόν | (έναρθρο) μοναχός, μοναχό, (επίρρ) μόνο/μοναχά | ||
| μουν | μας | ||
| ομματόπα | ματάκια | ||
| ’ποίκα | (εποίκα) έκανα, έφτιαξα | ποιέω-ῶ | |
| ’ποίκεν | (εποίκεν) έκανε, έφτιαξε | ποιέω-ῶ | |
| πολλά | (επίθ.) πολλά, (επίρρ.) πολύ | ||
| ραχ̌ι͜ά | ράχες, βουνά | ||
| σαρίν | ξανθό, κίτρινο | sarı | |
| σπαλέρι | μέρος γυναικείας ενδυμασίας αυτοτελές που χρησιμεύει ως κάλυμμα του στήθους | ||
| χ̌αίρουμαι | χαίρομαι | ||
| χ̌ερόπα | χεράκια | ||
| χ̌ι͜όν’ | χιόνι | ||
| ψαλαφούνε | ζητούν, αιτούνται | ||
| ψ̌ήα | ψυχές, η περιοχή του στέρνου, τα εσώψυχα | ||
| ψ̌όπο | ψυχούλα |
