Σ’ αχούλι μ’ πάντα έχω σε

’Κι θ’ ανασπάλω όντες γιορτά͜εις
την ημερομηνίαν
Δώρον εγώ θα στείλω σε,
πουλόπο μ’, την καρδία μ’

Όλεν η σεβντά μ’ για τ’ εσέν
εκειαπέσ’ έν’ γραμμένον
Με τη σεβντάς τα χρώματα
έχ’ ατο εγώ γραμμένον

Άνοιξον, τέρεν, δέβασον
κι αν εγροικάς ντό θέλω,
μέντσον εσύ κι εγώ αμὰν,
τα δαχτυλίδι͜α φέρω

Σ’ αχούλι μ’ πάντα έχω σε,
εσέν ’κι ανασπάλλω
Εγώ αν ’κι θα παίρω σε,
τέλος σην ψ̌η μ’ θα βάλω

’Κι θ’ ανασπάλω όντες γιορτά͜εις
την ημερομηνίαν
Δώρον εγώ θα στείλω σε,
πουλόπο μ’, την καρδία μ’