Σ’ αχούλι μ’ πάντα έχω σε

Προβολή Τραγουδιού

’Κι θ’ ανασπάλω όντες γιορτά͜εις
την ημερομηνίαν
Δώρον εγώ θα στείλω σε,
πουλόπο μ’, την καρδία μ’

Όλεν η σεβντά μ’ για τ’ εσέν
εκειαπέσ’ έν’ γραμμένον
Με τη σεβντάς τα χρώματα
έχ’ ατο εγώ γραμμένον

Άνοιξον, τέρεν, δέβασον
κι αν εγροικάς ντό θέλω,
μέντσον εσύ κι εγώ αμὰν,
τα δαχτυλίδι͜α φέρω

Σ’ αχούλι μ’ πάντα έχω σε,
εσέν ’κι ανασπάλλω
Εγώ αν ’κι θα παίρω σε,
τέλος σην ψ̌η μ’ θα βάλω

’Κι θ’ ανασπάλω όντες γιορτά͜εις
την ημερομηνίαν
Δώρον εγώ θα στείλω σε,
πουλόπο μ’, την καρδία μ’

Γλωσσάρι

Κείμενο	Επεξήγηση	Ετυμ. Ρίζα
αμὰν	αμέσως, ευθύς, μονομιάς	hemen/hemān
ανασπάλλω	ξεχνώ
ανασπάλω	ξεχάσω
άνοιξον	(προστ.) άνοιξε
αχούλι	μυαλό	akıl/ʿaḳl
γιορτά͜εις	γιορτάζεις
δέβασον	(προστ.) διάβασε, πέρασε, πήγαινε κπ/κτ κάπου
εγροικάς	καταλαβαίνεις
εκειαπέσ’	εκεί μέσα
έν’	είναι
’κι	δεν	οὐκί<οὐχί
μέντσον	(προστ.) ειδοποίησε, στείλε μήνυμα, πληροφόρησε, παρήγγειλε	μηνύω
όλεν	όλη/ο, ολόκληρη/ο
όντες	όταν
παίρω	παίρνω
πουλόπο	πουλάκι
σεβντά	αγάπη, έρωτας	sevda/sevdā
σεβντάς	αγάπης, έρωτα	sevda/sevdā
τέρεν	(προστ.) κοίταξε
ψ̌η	ψυχή