Προβολή Τραγουδιού

Θ’ απιδι͜αβαίνω τη ζωήν

Θ’ απιδι͜αβαίνω τη ζωήν
τον Χάρον θ’ αραεύω
Αμουρατσ̌ούης εγεννέθα,
πονεμένος θα φεύω

Μικρός ψωμίν ’κ’ εχόρτασα,
τρανός εγάπ’ ’κ’ εγνώρτσα
Εγώ ας σ’ αβούτο τη ζωήν
το μερτικό μ’ εχώρτσα

Όλεν η ζωή μ’ έτονε
οράματα και εδέβαν
Ντ’ εθέλνα και ντ’ εγάπανα,
αληθινά ’κ’ εξέβαν

Έρθεν ο Χάρον να μαζεύ’
καρδίας πονεμένα
Φαίνεται πολλά εμάζεψεν,
ενέσπαλεν εμένα

Γλωσσάρι

Κείμενο	Επεξήγηση	Ετυμ. Ρίζα
αβούτο	αυτό
αμουρατσ̌ούης	αυτός που έχει ανεκπλήρωτες επιθυμίες/στόχους, μτφ. άμοιρος	muratsız
απιδι͜αβαίνω	φεύγω, αφήνω πίσω, προσπερνώ, ξεπερνώ	από + διαβαίνω
αραεύω	ψάχνω, αναζητώ, γυρεύω	aramak
εγάπ’	αγάπη
εγάπανα	αγαπούσα
εγεννέθα	γεννήθηκα
εγνώρτσα	γνώρισα
εδέβαν	(για τόπο) πέρασαν, διέσχισαν, (για χρόνο) πέρασαν	διαβαίνω
ενέσπαλεν	ξέχασε
εξέβαν	βγήκαν
έρθεν	ήρθε
έτονε	ήταν
εχώρτσα	ξεχώρισα, ξεδιάλεξα
’κ’	δεν	ουκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
όλεν	όλη/ο, ολόκληρη/ο
πολλά	πολλά (επίθ.), πολύ (επίρ.)
φεύω	φεύγω