Προβολή Τραγουδιού

Θα τραγωδώ και ’κ’ επορώ

Καλλιτέχνες: Γιάννης Θεοδωρίδης, Κυριάκος Αντωνιάδης

Θα τραγωδώ και ’κ’ επορώ,
θα κλαίγω, δάκρυ͜α ’κ’ έχω
Θα λέγω σας τα τερτόπα μ’,
καν’νάν σον κόσμον ’κ’ έχω

Ο ήλιον εβασίλεψεν
ση μάναν ατ’ μερέαν
Στρώσον το κρεβατόπο σου
και κλὼσ’ σ’ εμέν μερέαν

Το φίλεμα σ’ έν’ γιατρικόν,
το δάξιμο σ’ βοτάνι
Εγκάλια σ’ παντοβότανον
σ’ έναν ισίζ’ ορμάνι

Εγώ ντο κλαίγω μη τερείς,
τα δάκρυ͜α σ’ ’κι θα ελέπω
Για πέει με το παράπονο σ’,
την ψ̌η μ’ εκεί να θέκω

Γλωσσάρι

Κείμενο	Επεξήγηση	Ετυμ. Ρίζα
δάξιμο	δάγκωμα, δαγκωματιά
εγκάλια	αγκαλιά
ελέπω	βλέπω
έν’	είναι
επορώ	μπορώ
θέκω	θέτω, τοποθετώ, βάζω
ισίζ’	ερημικό/ή, απομονωμένο/η	ıssız
’κ’	δεν	ουκί<οὐχί
καν’νάν	κανέναν
’κι	δεν	ουκί<οὐχί
κλὼσ’	γύρισε, γύρνα (προστ.)
κρεβατόπο	κρεβατάκι
μερέαν	μεριά
ορμάνι	δάσος
πέει	πες (προστ.)
στρώσον	στρώσε (προστ.)
τερείς	κοιτάς
τερτόπα	(υποκορ.) καημοί, βάσανα, στενοχώριες	dert
τραγωδώ	τραγουδάω
φίλεμα	φιλί
ψ̌η	ψυχή