Προβολή Τραγουδιού
Κλάψον καρδία μ’
Ελπίδα στην παράδοσηΣτιχουργοί: Γιώργος Αμαραντίδης
Συνθέτες: Γιώργος Αμαραντίδης
Καλλιτέχνες: Γιώργος Αμαραντίδης
Κλάψον, καρδία μ’, τον πόνο σ’, κλάψον και τα μουράτι͜α σ’ Αηλί τη μάναν π’ εχ̌’ με! Κλώσον τα δάκρυ͜α σ’ αποπέσ’, μη φαίν’ντανε σ’ ομμάτι͜α σ’ Αηλί τη μάναν π’ εχ̌’ με! Εμέν ρακίν μη δί’τε με, εγώ όντες πίνω κλαίγω Αηλί τη μάναν π’ εχ̌’ με! Μοιρολογώ και τραγωδώ και τα τερτόπα μ’ λέγω Αηλί τη μάναν π’ εχ̌’ με! Σ’ αούτ’ τον ψεύτην τον κόσμον φαίνεται έτον γραμμένον Ν’ αηλί τη μάναν π’ εχ̌’ με! Να ζω με τ’ αχ και με το βαχ και παραπονεμένον Ν’ αηλί τη μάναν π’ εχ̌’ με! Ασ’ εγεννέθα κιάν’ εγώ έναν καλόν ’κ’ εγνώρτσα Αηλί τη μάναν π’ εχ̌’ με! Τα τέρτι͜α εποίκα σ̌κοινίν κι άμον ζωνάρ’ εζώστα Αηλί τη μάναν π’ εχ̌’ με! Η λαλία μ’ σον ουρανόν, γιαβρί μ’, παρακαλώ σε Αηλί τη μάναν π’ εχ̌’ με! Τ’ ημ’σόν την ψ̌η μ’ ας δίγω σε και τ’ άλλο πα ας χρωστώ σε Αηλί τη μάναν π’ εχ̌’ με!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ||
| αούτ’ | αυτός/ή/ό | ||
| αποπέσ’ | από μέσα | ||
| ασ’ | από, από τότε (που), καθώς | ||
| γιαβρί | μωρό, μικρό, παιδί | yavru | |
| δίγω | δίνω | ||
| δί’τε | δίνετε | ||
| εγεννέθα | γεννήθηκα | ||
| εγνώρτσα | γνώρισα | ||
| εζώστα | ζώστηκα | ||
| εποίκα | έκανα, έφτιαξα | ποιέω-ῶ | |
| έτον | ήταν | ||
| ημ’σόν | μισό/η | ||
| ’κ’ | δεν | ουκί<οὐχί | |
| κιάν’ | και άνω, και εξής, και πέρα | ||
| κλάψον | κλάψε (προστ.) | ||
| κλώσον | γύρισε, στρέψε (προστ.) | ||
| λαλία | λαλιά, φωνή | ||
| μουράτι͜α | επιθυμίες, πόθοι | murat/murād | |
| ν’ αηλί | αλίμονο | μεσαιων. ελλ. ἀλί<ἀ- + ἠλί (εβραϊκά אל)= θεός | |
| ομμάτι͜α | μάτια | ||
| όντες | όταν | ||
| πα | πάλι, επίσης | ||
| ρακίν | αλκοολούχο ποτό που παράγεται από τη ζύμωση φρούτων ή στεμφύλων φρούτων | rakı/ˁaraḳī | |
| τέρτι͜α | καημοί, βάσανα, στενοχώριες | dert | |
| τερτόπα | (υποκορ.) καημοί, βάσανα, στενοχώριες | dert | |
| τραγωδώ | τραγουδάω | ||
| φαίν’ντανε | φαίνονται | ||
| ψ̌η | ψυχή |