Προβολή Τραγουδιού
Σ’ ανάσμα σ’ κατακαίουμαι |
Ση Χάλκοβας τα στράταςΣτιχουργοί: Γιάννης Γκόσιος
Συνθέτες: Χρήστος Καλιοντζίδης
Καλλιτέχνες: Χρήστος Καλιοντζίδης
Μετ’ εσέναν που κείται κα’ και τ’ ανάσμα σ’ π’ εξέρει η καρδία τ’ μαεύκεται, λαρωμονήν ’κι παίρει Σ’ ανάσμα σ’ κατακαίουμαι και σο τέρεμα σ’ χάμαι Σ’ εγκαλιόπο σ’ θ’ ευρίουμαι, όποιος ψαλαφά με Σο μέρωμαν παρακαλεί να βραδύν’ αλλομίαν Σ’ εγκαλιόπο σ’ να έρ’ται κονεύ’ και παίρ’ παρηγορίαν Σ’ ανάσμα σ’ κατακαίουμαι και σο τέρεμα σ’ χάμαι Σ’ εγκαλιόπο σ’ θ’ ευρίουμαι, όποιος ψαλαφά με Το καρδόπο μ’ άμον ραχ̌ίν ντο καπατεύ’ η δείσα Τα κάλλι͜α σ’ και τ’ εμορφά̤δα σ’ σ’ εγκαλιόπο μ’ να ’κείσαν Σ’ ανάσμα σ’ κατακαίουμαι και σο τέρεμα σ’ χάμαι Σ’ εγκαλιόπο σ’ θ’ ευρίουμαι, όποιος ψαλαφά με
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλλομίαν | άλλη μια φορά | ||
| άμον | σαν, όπως, καθώς | ἅμα | |
| ανάσμα | ανάσα, αναπνοή | ||
| βραδύν’ | βραδιάζει | ||
| δείσα | ομίχλη | δεῖσα=υγρασία, λάσπη, βρωμιά | |
| εγκαλιόπο | αγκαλίτσα | ||
| εμορφά̤δα | ομορφιά | ||
| έρ’ται | έρχεται | ||
| ευρίουμαι | βρίσκομαι | ||
| κα’ | κάτω | ||
| κάλλι͜α | κάλλη | ||
| καπατεύ’ | σκεπάζει, καλύπτει, κλείνει κπ/κτ σε κτ | kapatmak | |
| καρδόπο | καρδούλα | ||
| ’κείσαν | (εκείσαν) κείτονταν, ξάπλωναν | ||
| κείται | κείτεται, ξαπλώνει | ||
| ’κι | δεν | οὐκί<οὐχί | |
| κονεύ’ | εγκαθίσταται, φωλιάζει, προσγειώνεται (επί πτηνών) | konmak | |
| λαρωμονήν | γιατρειά, θεραπεία | ||
| μέρωμαν | ξημέρωμα | ||
| μετ’ | μαζί με (με αιτιατική), με (τρόπος) | ||
| παίρ’ | παίρνω/ει | ||
| παρηγορίαν | παρηγοριά | ||
| ραχ̌ίν | βουνό, ράχη | ||
| τέρεμα | βλέμμα | ||
| χάμαι | χάνομαι, μτφ. πεθαίνω | ||
| ψαλαφά | ζητάει, αιτείται |
