Καμένον καρδίαν

Προβολή Τραγουδιού

Ιάσων | Σκοποί και τραγούδια από τη Μαύρη Θάλασσα

Καλλιτέχνες: Αλέξανδρος Παρχαρίδης, Φίλιππος Κεσαπίδης

Έι! σεβντά μ’, εμολύες,
καρδία μ’, εκολλίες
Αέτσ’ εγάπανες με,
εφέκες με κι επήες

Έκιτι, ψεύτε κόσμε,
θάνατος να μη έτον
Άνθρωπον μ’ εγέρανεν,
πάντα νέος να έτον

Έι! καμένον καρδίαν,
να στερούσαι καμίαν
Ας σα πολλά τα τέρτι͜α
τραγωδώ μίαν-μίαν

Έκιτι, ψεύτε κόσμε,
θάνατος να μη έτον
Άνθρωπον μ’ εγέρανεν,
πάντα νέος να έτον

Έι! μαύρεσσα - μαύρεσσα,
τα τέρτι͜α μ’ άμον τ’ εσά
Άμον τ’ εσόν σεβντι͜αλούκ’
νέ είδα, νέ επέντεσα

Έκιτι, ψεύτε κόσμε,
θάνατος να μη έτον
Άνθρωπον μ’ εγέρανεν,
πάντα νέος να έτον

Έκαψες την καρδία μ’
λες, για ποίον; για ποίον
εθάρρεσες θα παίρεις
απ’ εμέναν καλλίον;

Έκιτι, ψεύτε κόσμε,
θάνατος να μη έτον
Άνθρωπον μ’ εγέρανεν,
πάντα νέος να έτον

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
άμον	σαν, όπως, καθώς	ἅμα
εγάπανες	αγαπούσες
εθάρρεσες	πίστεψες, νόμισες
έκιτι	έκφραση αναπόλησης που υποδηλώνει νοσταλγία για κάτι παρελθοντικό	hey gidi
επέντεσα	απάντησα, συνάντησα τυχαία
επήες	πήγες
εσά	δικά σου/σας
εσόν	δικός/ή/ό σου
έτον	ήταν
εφέκες	άφησες
καλλίον	(επίθ.) καλύτερο, (επίρ.) καλύτερα
καμίαν	ποτέ
μαύρεσσα	μαύρη
μίαν	μια φορά
νέ	ούτε	ne
πολλά	(επίθ.) πολλά, (επίρρ.) πολύ
σεβντά	αγάπη, έρωτας	sevda/sevdā
σεβντι͜αλούκ’	έρωτας	sevdalık
τέρτι͜α	καημοί, βάσανα, στενοχώριες	dert
τραγωδώ	τραγουδάω