Ο Γιακούπ-αγάς

Προβολή Τραγουδιού

Στιχουργοί: Γιώργος Αμαραντίδης, Παραδοσιακό

Καλλιτέχνες: Γιώργος Αμαραντίδης, Σοφία Νικολαΐδη

Έχ̌’ κι έρ’ται ο Γιακούπ-αγάς, Ελένε
τέρεν την ’τοιμασία σ’
[Ωφ, ωφ/έλα -ν- έλα]
Την πόρτα σ’ άφ’ς ακράνοιχτον, Ελένε
θα εμπαίνω ση φωλέα σ’
[Ωφ, ωφ/έλα -ν- έλα]

Η ’τοιμασία μ’ έτοιμον, ασ’χώρετον
και το κρεβάτ’ στρωμένον
[Ωφ, ωφ/έλα -ν- έλα]
Έχω το ρακίν έτοιμον, ασ’χώρετον
και το κεμπάπ ψεμένον
[Ωφ, ωφ/έλα -ν- έλα]

Έχ̌’ κι έρ’ται ο Γιακούπ-αγάς, Ελένε
τέρεν το χαζιρλούκι σ’
[Ωφ, ωφ/έλα -ν- έλα]
Θα έρχουμαι και σην οτά σ’, Ελένε
θα σ’κώνω το τιρλούκι σ’¹
[Ωφ, ωφ/έλα -ν- έλα]

Έχω το κρασίν κόκκινο, ασ’χώρετον
και το κρεβάτ’ στρωμένον
[Ωφ, ωφ/έλα -ν- έλα]
Έλα έμπα σ’ εγκαλιόπο μου, ασ’χώρετον
σ’ εμέτερα έλα μένον
[Ωφ, ωφ/έλα -ν- έλα]

Έχ̌’ κι έρ’ται ο Γιακούπ-αγάς, Ελένε
άνοιξον το πορτόπο σ’
[Ωφ, ωφ/έλα -ν- έλα]
Άνοιξον τα χ̌ερόπα σου, Ελένε
θα εμπαίνω σ’ εγκαλιόπο σ’
[Ωφ, ωφ/έλα -ν- έλα]

Τ’ εσόν η εγάπ και τ’ εμόν, ασ’χώρετον
ας σην καρδι͜ά μ’ ’κ’ εβγαίνει
[Ωφ, ωφ/έλα -ν- έλα]
και τόπον ’κ’ έχ̌’ σο καρδόπο μ’, ασ’χώρετον
άλλο εγάπ’ να εμπαίνει
[Ωφ, ωφ/έλα -ν- έλα]

Γλωσσάρι

Κείμενο	Επεξήγηση	Ετυμ. Ρίζα
ακράνοιχτον	μισάνοιχτο/η
άνοιξον	(προστ.) άνοιξε
ασ’χώρετον	ασυγχώρητο
άφ’ς	(προστ.) άφησε
εγάπ’	αγάπη
εγκαλιόπο	αγκαλίτσα
εμέτερα	δικά μου/μας	ἡμέτερος
εμόν	δικός/ή/ό μου	ἐμοῦ
έμπα	(προστ.) μπες
εμπαίνω	μπαίνω
έρ’ται	έρχεται
έρχουμαι	έρχομαι
εσόν	δικός/ή/ό σου
έχ̌’	έχει
έχ̌’ κι έρ’ται	είναι στον ερχομό, έρχεται
’κ’	δεν	οὐκί<οὐχί
καρδόπο	καρδούλα
μένον	(προστ.) μείνε
οτά	δωμάτιο	oda
πορτόπο	πορτούλα, πορτάκι	porta
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σ’κώνω	σηκώνω
τέρεν	(προστ.) κοίταξε
τιρλούκι	γαλήνη, ηρεμία	dirlik
’τοιμασία	ετοιμασία
φωλέα	φωλιά
χ̌ερόπα	χεράκια
χαζιρλούκι	ετοιμασία, προετοιμασία, προπαρασκευή	hazırlık
ψεμένον	ψημένο

Σημειώσεις

¹ (εκφ) θα χαλάσω την ηρεμία/γαλήνη που είχες, θα σε ξεσηκώσω