Και ντ’ έπαθεν και η μάνα σ’

Προβολή Τραγουδιού

Καλλιτέχνες: Γιώτα Παπαδοπούλου, Παναγιώτης Ασλανίδης

Και ντ’ έπαθεν και -ν- η μάνα σ’
και πάντα καταράται;
Να τρώει ατεν ο γουρζουλάς
και να ψοφά και χάται

Γιαβρί μ’, τη μάνα σ’ είπα ’το,
άλλο μη καταράται
Νύφε τ’ς εγώ θα ’ίνουμαι,
εμέναν ας ευχάται

Εγώ τη μάνα σ’ είπα ’το,
πέ’ ατο εσύ τον κύρη σ’
Ο κύρη σ’ έν’ καλόγνωμος,
’κι χαλάν’ το χατίρι σ’

Πουλί μ’, εσέν εγάπεσα,
εγώ εσέν θα παίρω
Τον κύρη σ’ και τη μανίτσα σ’
εγώ θα χουσμετεύω

Γλωσσάρι

Κείμενο	Επεξήγηση	Ετυμ. Ρίζα
ατεν	αυτήν
γιαβρί	μωρό, μικρό, παιδί	yavru
γουρζουλάς	η πανούκλα μτφ. ο θάνατος
εγάπεσα	αγάπησα
έν’	είναι
ευχάται	εύχεται
’ίνουμαι	γίνομαι
καλόγνωμος	αυτός που έχει καλή γνώμη, ήπιος, προσηνής
καταράται	καταριέται
’κι	δεν	οὐκί<οὐχί
νύφε	νύφη
παίρω	παίρνω
πέ’	(προστ.) πες
’το	αυτό, το (προσωπική αντωνυμία)
χαλάν’	χαλάω/ει, καταστρέφω/ει
χάται	χάνεται
χατίρι	χάρη, σεβασμός, υπόληψη	hatır/ḫāṭir
χουσμετεύω	υπηρετώ, φροντίζω	hizmet