Προβολή Τραγουδιού
Φύσκα |
Τη ψ̌ης το καρακίδ’Στιχουργοί: Βασίλης Μωυσιάδης
Συνθέτες: Παραδοσιακό
Καλλιτέχνες: Γιώργος Ατματσίδης, Στάθης Νικολαΐδης
Τα πολιτείας έντανε όλα θολά και πίσκα Εγώ θα φεύω παιδία θα πάω ζω ση Φύσκα Φύσκα, χωρίον έμορφον με τα πολλά τα κάλλια Εγώ τ’ εσόν παιδίν είμαι κι εσύ μάνας εγκάλια Πουλόπα και κρύα νερά και σον Προφήτη-Ηλίαν Θαρρείς ας σον παράδεισον έρ’ται/ακούς έναν λαλίαν Φύσκα, χωρίον έμορφον με τα πολλά τα κάλλια Εγώ τ’ εσόν παιδίν είμαι κι εσύ μάνας εγκάλια Το τέρεμα σ’ αποθολών’ η ψ̌η σ’ χαράν γομούται και το τζ̌ιέρι σ’ τ’ άρρωστον μ’ έναν νεφές λαρούται Φύσκα, χωρίον έμορφον με τα πολλά τα κάλλια Εγώ τ’ εσόν παιδίν είμαι κι εσύ μάνας εγκάλια Οσήμερον τα παιδία σ’/παιδόπα σ’ έρθαν για το χατίρι σ’ Κι ο κόσμον θα χαλάεται απόψ’ σο πανοΰρι σ’ Φύσκα, χωρίον έμορφον με τα πολλά τα κάλλια Εγώ τ’ εσόν παιδίν είμαι κι εσύ μάνας εγκάλια
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| γομούται | γεμίζει, βουρκώνει, κομπιάζει | ||
| εγκάλια | αγκαλιά | ||
| έμορφον | όμορφο | ||
| έντανε | έγιναν | ||
| έρθαν | ήρθαν | ||
| έρ’ται | έρχεται | ||
| εσόν | δικός/ή/ό σου | ||
| κάλλια | κάλλη | ||
| λαλίαν | λαλιά, φωνή | ||
| λαρούται | γιατρεύεται, θεραπεύεται | ||
| νεφές | αναπνοή | nefes | |
| οσήμερον | σήμερα | ||
| παιδία | παιδιά | ||
| παιδόπα | παιδάκια | ||
| πανοΰρι | πανηγύρι | ||
| πίσκα | βρώμικα, λερωμένα | ||
| πολλά | (επίθ.) πολλά, (επίρρ.) πολύ | ||
| πουλόπα | πουλάκια | ||
| τέρεμα | βλέμμα | ||
| τζ̌ιέρι | σπλάχνο, σωθικό | ciğer/ciger | |
| φεύω | φεύγω | ||
| χαλάεται | χαλάει, καταστρέφεται | ||
| χατίρι | χάρη, σεβασμός, υπόληψη | hatır/ḫāṭir | |
| ψ̌η | ψυχή |
