Αδά ζωήν ’κ’ επέμ’νεν

Προβολή Τραγουδιού

Καλλιτέχνες: Γιώργος Ατματσίδης, Στάθης Νικολαΐδης

Άσ̌κεμα χρόνι͜α έρθανε,
ανθρώπ’, ντό θα ευτάμε;
Ζωήν ’κ’ επέμ’νεν άλλο αδά
κι εμείς όλ’ που θα πάμε;

Αν είχ̌ες σκάλα, ουρανέ μ’,
σην γην να εκατηβαίν’νεν
Οι εφτωχοί θα έρχουσαν,
αδά ζωήν ’κ’ επέμ’νεν

Για το συμφερόν οι τρανοί -ν
τον κόσμον αφανίζ’νε
Σιδέρ’τα και ναρκωτικά
πουλούν για να κερδίζ’νε

Αν είχ̌ες σκάλα, ουρανέ μ’,
σην γην να εκατηβαίν’νεν
Οι εφτωχοί θα έρχουσαν,
αδά ζωήν ’κ’ επέμ’νεν

Και πώς θα ζούνε τα μωρά
σ’ αΐκον κοινωνίαν;
Αντί ψωμίν σον Χάροντα
ατείν’ δίν’νε δουλείαν

Αν είχ̌ες σκάλα, ουρανέ μ’,
σην γην να εκατηβαίν’νεν
Οι εφτωχοί θα έρχουσαν,
αδά ζωήν ’κ’ επέμ’νεν

Τ’ οσημερ’νόν την εποχήν
νερόν να πίντς νουνί͜εις α’
Και το κορτσόπον ντο αγαπάς
φοβάσαι να φιλείς α’

Αν είχ̌ες σκάλα, ουρανέ μ’,
σην γην να εκατηβαίν’νεν
Οι εφτωχοί θα έρχουσαν,
αδά ζωήν ’κ’ επέμ’νεν

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αδά	εδώ
αΐκον	τέτοιο/α
ανθρώπ’	άνθρωποι
άσ̌κεμα	άσχημα
ατείν’	αυτοί
δίν’νε	δίνουν
δουλείαν	δουλειά
εκατηβαίν’νεν	κατέβαινε
επέμ’νεν	απόμεινε
έρθανε	ήρθαν
έρχουσαν	έρχονταν
ευτάμε	κάνουμε, φτιάχνουμε	εὐθειάζω
εφτωχοί	φτωχοί
’κ’	δεν	οὐκί<οὐχί
κορτσόπον	κοριτσάκι
νουνί͜εις	σκέφτεσαι
όλ’	όλοι/α
οσημερ’νόν	σημερινό/ή
πίντς	πίνεις
σιδέρ’τα	σίδερα
σκάλα	κλίμακα, σκάλα, αποβάθρα λιμανιού, το μέρος μεταξύ των ποδιών της περισκελίδας προς την βουβωνική περιοχή (προσομοιάζει την κορυφή σκάλας προς το κεφαλόσκαλο), ειδικό εξάρτημα της παγίδας πουλιών	scala<scando
φιλείς	φιλάς