Προβολή Τραγουδιού
Τον ερχομόν τ’ εσόν, πουλί μ’ |
ΚιβωτόςΣτιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Γιώργος Ατματσίδης, Στάθης Νικολαΐδης
Τον ερχομόν τ’ εσόν, πουλί μ’, εάν εγώ εξέρ’να άγρια λουλούδι͜α τ’ ορμανί’ σον γυρισμό σ’ θ’ εφέρ’να Άμα βραδύν’ τη στράταν χάντς, θα στείλω εγώ τον φέγγον Με άστρα θα στολίζ’ ατο την απαντή σ’, Ελένκω μ’ Με τη χαράν θ’ εφόριζα τον πρόσωπο μ’, κορτσόπο μ’ Τα δα̤κρόπα μ’ θα ’σπόγγιζα ταίρι μ’, κλαδί μ’ και ψ̌όπο μ’ Άμα βραδύν’ τη στράταν χάντς, θα στείλω εγώ τον φέγγον Με άστρα θα στολίζ’ ατο την απαντή σ’, Ελένκω μ’ Εάν ημέρα έρχεσαι, άμον τη γην περ’μένω Άμον βροχ̌ή έλα σ’ εμέν το ψ̌όπο μ’ διψασμένο Άμα βραδύν’ τη στράταν χάντς, θα στείλω εγώ τον φέγγον Με άστρα θα στολίζ’ ατο την απαντή σ’, Ελένκω μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| απαντή | προϋπάντηση, συνάντηση | ||
| βραδύν’ | βραδιάζει | ||
| δα̤κρόπα | (υποκορ.) δάκρυα | ||
| εξέρ’να | ήξερα, γνώριζα | ||
| εσόν | δικός/ή/ό σου | ||
| κορτσόπο | κοριτσάκι | ||
| ορμανί’ | δάσους | orman | |
| περ’μένω | περιμένω | ||
| ’σπόγγιζα | σκούπιζα | ||
| φέγγον | φεγγάρι | ||
| χάντς | χάνεις, παύεις να έχεις, διώχνεις | ||
| ψ̌όπο | ψυχούλα |
