Προβολή Τραγουδιού

Εποίκες με ρακόποτον

Καλλιτέχνες: Θόδωρος Παυλίδης, Παναγιώτης Ασλανίδης

Εποίκες με ρακόποτον [αμάν!]
και κρασομεθυσμένον [ούι, αμάν!]
Εμάτσες με το σεβνταλούκ’, [αμάν!]
νε σ̌κύλ’ αφορισμένον [ούι, αμάν!]

Το ραχ̌ίν χ̌ι͜ονίεται, [πουλί μ’]
παίρ’ ο ήλον λύεται
Σεβνταλίν το καρδόπο μ’, [πουλί μ’]
λύεται, μανίεται

Εποίκες με και -ν- εποίν’να [αμάν!]
καμίαν ντο ’κ’ εποίν’να [ούι, αμάν!]
Σα ταβέρνας και -ν- απέσ’ κέσ’ [αμάν!]
πουδέν ρακίν ’κ’ εφήνα [ούι, αμάν!]

Σεβνταλής παιδάς είμαι,
η σεβντά μ’ τρανόν πελιάν
Αν ’κ’ ευρήκω το πουλί μ’
τ’ άλλα είναι νεφιλι͜άν

Σεβντά, γιατί εφώλεψες [αμάν!]
αδαπέσ’ σο καρδόπο μ’; [ούι, αμάν!]
Ερίζωσες κι εκλάδωσες [αμάν]
θα σύρτς και παίρτς το ψ̌όπο μ’ [ούι αμάν]

Σεβνταλίν παιδίν είμαι
μη κατηγοράτε με -ν
Το καρδόπο μ’ καίεται,
να παρηγοράτε με -ν

Γλωσσάρι

Κείμενο	Επεξήγηση	Ετυμ. Ρίζα
αδαπέσ’	εδώ μέσα
απέσ’	μέσα
αφορισμένον	αφορισμένο, αναθεματισμένο
εμάτσες	έμαθες, δίδαξες	μαθίζω
εποίκες	έκανες, έφτιαξες	ποιέω-ῶ
εποίν’να	έκανα, έφτιαχνα	ποιέω-ῶ
ευρήκω	βρίσκω
εφήνα	άφηνα
εφώλεψες	φώλιασες
’κ’	δεν	ουκί<οὐχί
καμίαν	ποτέ
καρδόπο	καρδούλα
κέσ’	εκεί γύρω, εκεί κάπου, εκεί περίπου	κέσου
λύεται	λιώνει
μανίεται	μαυρίζει/μουντζουρώνεται από την καπνιά, καταστρέφεται, κατακαίγεται μέχρι καπνιάς
νεφιλι͜άν	μάταιο/α, ανώφελο/α	nafile/nāfile
παίρτς	παίρνεις
πελιάν	βάσανο, σκοτούρα	bela
πουδέν	πουθενά
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
ραχ̌ίν	βουνό, ράχη
σεβντά	αγάπη, έρωτας	sevda/sevdā
σεβνταλής	ερωτοχτυπημένος, ερωτευμένος	sevdalı
σεβνταλίν	ερωτοχτυπημένη/ο, ερωτευμένη/ο, ερωτικό	sevdalı
σεβνταλούκ’	έρωτας	sevdalık
σύρτς	σέρνεις, τραβάς, ρίχνεις
χ̌ι͜ονίεται	χιονίζεται
ψ̌όπο	ψυχούλα