Έπαρ’ το καλαθόπο σου

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Έπαρ’ το καλαθόπο σου
κι ας πάμε σα θομάντας
Ας κάθουμες και λέγομε
καρδίας καμονάντας

Ατό το κεμεντζ̌όπο σου
ντό καλατσ̌εύ’ και λέει με;
Τον θάνατο μ’ αρ’ αναμέν’,
να κάθεται και κλαίει με

Εσύ εμέναν έλεες
«καν’νάν ’κι καλατσ̌εύω»
Με τ’ ομματόπα είδα σε,
τον Θεό σ’ ’κ’ ινιανεύω

Σον χορόν σίτ’ εχόρευα,
η έμορφος σο γιάνι μ’
Τον χορόν ντο εχόρεψα
επίασεν απάν’ ι-μ’

Γλωσσάρι

Κείμενο	Επεξήγηση	Ετυμ. Ρίζα
αναμέν’	περιμένει
απάν’	πάνω
γιάνι	πλάι, πλευρό	yan
έλεες	έλεγες
έμορφος	όμορφος/η
έπαρ’	(προστ.) πάρε
επίασεν	πιάστηκε
θομάντας	(μη επιβ.) θυμάρι	πιθ. εκ του αρχαίου θύμον
ινιανεύω	πιστεύω, εμπιστεύομαι	inanmak
’κ’	δεν	οὐκί<οὐχί
κάθουμες	καθόμαστε
καλαθόπο	καλαθάκι
καλατσ̌εύ’	μιλάω/ει, συνομιλώ/ει, συζητώ/άει	keleci=καλός λόγος (Παλαιά Τουρκική Ανατολίας)
καλατσ̌εύω	μιλάω, συνομιλώ, συζητώ	keleci=καλός λόγος (Παλαιά Τουρκική Ανατολίας)
καμονάντας	(ον.) καημοί, (αιτ.) καημούς
καν’νάν	κανέναν
καρδίας	(τη, γεν.) καρδιάς, (τα, ονομ. πληθ.) καρδιές
κεμεντζ̌όπο	(υποκορ.) λύρα	kemençe/kemānçe
’κι	δεν	οὐκί<οὐχί
ομματόπα	ματάκια
σίτ’	καθώς, ενώ	σόταν<εις όταν