Ποντιακά Δίστιχα

Προβολή Τραγουδιού

Σην ξενιτει͜άν αχπάσκουμαι/Ποντιακά Δίστιχα (Χορός Διπάτ’)

Καλλιτέχνες: Αντιγόνη Καγκελίδου, Παντελής Σεβαστίδης

Ποίον ποτάμ’ εθόλωσεν
και ποίον ’κ’ εκατέντσεν;
Ποίον κορτσόπον έμορφον
παλληκάρι͜α ’κ’ εκλαίντσεν;

Έμορφος είσαι έμορφος,
τιδέν ’κ’ έχω να λέγω
Εγώ πα νέϊκον παλληκάρ’,
το καρδόπο σ’ θα καίγω

Είδα τ’ ομμάτι͜α σ’, είδα ’τα,
γιαβρόπο μ’, δα̤κρωμένα
Φογούμαι γιάμ’ εντώκε σε -ν
η μάνα σ’ για τ’ εμένα

Ο ήλεν μαραίν’ ’μάραντα
και παλαλά χορτάρι͜α
Μαραίντς κι εσύ πα, γιαβρίκα μ’,
όλα τα παλληκάρι͜α

Εμέν κατηγορούνε με
ντο τραγωδώ και πίνω
Κανείς ’κι ’ξέρ’ πόσον πονώ
και πόσα δάκρυ͜α ’κχ̌ύνω

Ανάθεμα σε, γιαβρόπο μ’,
και τρισαναθεμά σε!
Να έπλανεν με ο Θεόν
σον τόπον ντο κοιμάσαι

Γλωσσάρι

Κείμενο	Επεξήγηση	Ετυμ. Ρίζα
γιαβρίκα	(υποκορ.) μωρό, μικρό, παιδί	yavru
γιαβρόπο	μωράκι, μικρούλι, παιδάκι	yavru + -όπον
γιάμ’	μήπως, ή μη	ya/yā + μη
δα̤κρωμένα	δακρυσμένα
εθόλωσεν	θόλωσε
εκατέντσεν	καθάρισε, ξεπλύθηκε/ξέπλυνε, ξεθόλωσε/ξεθολώθηκε	κατανίζω
εκλαίντσεν	στενοχώρησε, έκανε κπ να κλάψει
έμορφον	όμορφο
έμορφος	όμορφος/η
εντώκε	χτύπησε
έπλανεν	έπλαθε, δημιουργούσε, εμφάνιζε
ήλεν	ήλιος/ήλιο
’κ’	δεν	οὐκί<οὐχί
καρδόπο	καρδούλα
’κι	δεν	οὐκί<οὐχί
κορτσόπον	κοριτσάκι
’κχ̌ύνω	εκχύνω, χύνω, εκβάλλω	εκχύνω<ἐγχέω< ἐν + χέω
μαραίντς	μαραίνεις
’μάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
ομμάτι͜α	μάτια
πα	πάλι, επίσης, ακόμα
παλαλά	τρελά, τρέλες
ποτάμ’	ποτάμι
τιδέν	τίποτα
τραγωδώ	τραγουδάω
φογούμαι	φοβάμαι