Γιαβρί μ’, όθεν κέσ’ πορπατείς

Προβολή Τραγουδιού

Καλλιτέχνες: Γιώργος Αμαραντίδης, Χριστόφορος Χριστοφορίδης

Γιαβρί μ’, όθεν κέσ’ πορπατείς
έμπρα̤ σ’ κι οπίσ’ τσ̌ιτσ̌άκια
κι ας έκχ̌’σες και -ν- επότ’σες με
πολλά πικρά φαρμάκια

Τα φαρμάκια ντ’ επότ’σες με
ευλοΐας να ’ίν’νταν
και όλια τ’ αμαρτίας ι-σ’
σ’ εμόν την ψ̌ην να κείνταν

Η καρδία μ’ ζαΐφκον έν’
τ’ εσόν η εγάπ’ νικά ’το
Φαρμάκωσον με από μακρά
κανείς πα μ’ εγροικά ’το

Τη ξενιτείας τα στράτας
τα βρεχ̌ία ’κι πλύν’νε
Πλύν’νε͜ ατα οι ξενιτεμέν’
ας σα δάκρυ͜α ντο ’κχ̌ύν’νε

Γλωσσάρι

Κείμενο	Επεξήγηση	Ετυμ. Ρίζα
αμαρτίας	(ον.πληθ., τα) αμαρτίες
ατα	αυτά
βρεχ̌ία	βροχές
γιαβρί	μωρό, μικρό, παιδί	yavru
εγάπ’	αγάπη
εγροικά	καταλαβαίνει
έκχ̌’σες	εξέχυσες, έχυσες, εξέβαλες	εκχύνω<ἐγχέω< ἐν + χέω
εμόν	δικός/ή/ό μου	ἐμοῦ
έμπρα̤	μπροστά
έν’	είναι
επότ’σες	πότισες
εσόν	δικός/ή/ό σου
ευλοΐας	(πληθ. τα) ευλογίας, ευλογίες
ζαΐφκον	ισχνό, αδύνατο, ελλιπές	zayıf/żaʿīf
’ίν’νταν	γίνονται
κείνταν	κείτονται, ξαπλώνουν
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
’κχ̌ύν’νε	εκχύνουν, χύνουν, εκβάλλουν	εκχύνω<ἐγχέω< ἐν + χέω
μακρά	(επιρρ.) μακριά, (επιθ.) μακρινά, απομακρυσμένα
όθεν	όπου, οπουδήποτε, σε όποιον
όλια	όλα
οπίσ’	πίσω
πα	πάλι, επίσης, ακόμα
πλύν’νε	πλένουν
πολλά	(επίθ.) πολλά, (επίρρ.) πολύ
πορπατείς	περπατάς
στράτας	(ονομ.) δρόμοι, (αιτ.) δρόμους
’το	αυτό, το (προσωπική αντωνυμία)
τσ̌ιτσ̌άκια	λουλούδια	çiçek
φαρμάκωσον	(προστ.) φαρμάκωσε
ψ̌ην	ψυχή