Ερχίνεσεν και σκοτεινεύ’

Προβολή Τραγουδιού

Καλλιτέχνες: Ανέστης Μωυσής, Μπάμπης Κεμανετζίδης

expand_content

Ερχίνεσεν και σκοτεινεύ’,
τ’ αρνί μ’ πουθέν ’κ’ εφάνθεν [νέι]
Ατό καμίαν ’κ’ έργιζεν,
άτσ̌απα γιάμ’ εχάθεν; [νέι]

Αητέντς επέρεν την κωσσού μ’
από ’πάν’ ’ς σα πουλία μ’ [νέι]
Ορφάντσεν τ’ εμόν το πουτσ̌άχ’
και τ’ εμά τα παιδία [νέι]

Τ’ ανοιγάρ’ έπαρ’ μετ’ εσέν
και τ’ οσπίτ’ κλειδωμένον [νέι]
Αφού θα φεύ’ς, μικρόν αρνί μ’,
εγώ εκειαπέσ’ ’κι μένω [νέι]

Γλωσσάρι

Κείμενο	Επεξήγηση	Ετυμ. Ρίζα
αητέντς	αητός
ανοιγάρ’	κλειδί
άτσ̌απα	άραγε, αναρωτιέμαι	acaba/ʿacebā
γιάμ’	μήπως, ή μη	ya/yā + μη
εκειαπέσ’	εκεί μέσα
εμά	δικά μου
εμόν	δικός/ή/ό μου	ἐμοῦ
έπαρ’	(προστ.) πάρε
επέρεν	πήρε
έργιζεν	αργούσε
ερχίνεσεν	άρχισε
εφάνθεν	φάνηκε, εμφανίστηκε
εχάθεν	χάθηκε
’κ’	δεν	οὐκί<οὐχί
καμίαν	ποτέ
’κι	δεν	οὐκί<οὐχί
κωσσού	κλώσσα
μετ’	μαζί με (με αιτιατική), με (τρόπος)
ορφάντσεν	ορφάνεψε
οσπίτ’	σπίτι	hospitium<hospes
παιδία	παιδιά
’πάν’	(απάν’) πάνω
πουθέν	πουθενά
πουτσ̌άχ’	άκρη, γωνιά, τόπος	bucak
’ς	(ας) από
σκοτεινεύ’	σκοτεινιάζει
φεύ’ς	φεύγεις

Σημειώσεις

Συνέχεια από το προηγούμενο track