Ποντιακός Στίχος

Προβολή Τραγουδιού

Κατεβάστε τους στίχους σε PDF

Εματώθεν το καρδόπο μ’

Αραεύω σε πατέραΑραεύω σε πατέρα

Στιχουργοί: Γιώτης Γαβριηλίδης

Συνθέτες: Ανέστης Αθανασιάδης

Καλλιτέχνες: Ανέστης Αθανασιάδης, Γιώτης Γαβριηλίδης


Εματώθεν το καρδόπο μ’
για τ’ εσέν, μικρόν πουλί μ’
Η σεβντά σ’ άμον μαχ̌αίρ’
καρφούται απέσ’ σην ψ̌η μ’

Άμον παλαλός γυρίζω
και τ’ ομματόπα μ’ κλαινίζω
Έχασα εγώ τ’ αχούλι μ’,
εμέν ’κι λυπάσαι, πουλί μ’
Άμον παλαλός γυρίζω
και τ’ ομματόπα μ’ κλαινίζω
Εμέν ’κι λυπάσαι, πουλί μ’
έχασα εγώ τ’ αχούλι μ’

Το καρδόπο μ’ έκαψες
και -ν- εσύ ξάι ’κ’ έκλαψες
Πίστεψον ατά ντο λέω,
μ’ ευτάς με άλλο να κλαίω

Τ’ άψιμο σ’ ’κι σβήεται,
το κορμόπο μ’ λύεται
’Χάπαρα¹ θ’ εβγαίν’ η ψ̌η μ’
Ντό θα εγροικάς, πουλί μ’;
Το κορμόπο μ’ λύεται,
τ’ άψιμο σ’ ’κι σβήεται
’Χάπαρα¹ θ’ εβγαίν’ η ψ̌η μ’
Ντό θα εγροικάς, πουλί μ’;
Γλωσσάρι
ΚείμενοΕπεξήγησηΕτυμ. ΡίζαΠροέλευση
άμονσαν, όπως, καθώς ἅμα
απέσ’μέσα
ατάαυτά
αχούλιμυαλό akıl/ʿaḳl
άψιμοφωτιά
εβγαίν’βγαίνει
εγροικάςκαταλαβαίνεις
εματώθενματώθηκε
ευτάςκάνεις, φτιάχνεις εὐθειάζω
’κ’δεν οὐκί<οὐχί
καρδόποκαρδούλα
καρφούταικαρφώνεται
’κιδεν οὐκί<οὐχί
κλαινίζωστενοχωρώ, κάνω κπ να κλάψει
κορμόποκορμάκι
λύεταιλιώνει
μαχ̌αίρ’μαχαίρι
ξάικαθόλου
ομματόπαματάκια
παλαλόςτρελός, ανόητος
πίστεψον(προστ.) πίστεψε
σβήεταισβήνει
σεβντάαγάπη, έρωτας sevda/sevdā
ψ̌ηψυχή
Σημειώσεις
¹ Πιθ. εκ του αναχάπαρα=ξαφνικά

Ποντιακός Στίχος - Pontian Lyrics 2025

Τραγούδια: 9575 | Albums/Singles: 1694 | Συντελεστές: 1994 | Λήμματα: 15802
Επικοινωνία: infoDUMMY@pontianlyrics.gr