Έκαψες την καρδία μ’

Προβολή Τραγουδιού

Αγαπώ τα έμορφα | Κ. Καραπαναγιωτίδης Νο11

Καλλιτέχνες: Δημήτρης Κουγιουμτζίδης, Κώστας Καραπαναγιωτίδης

Έκαψες την καρδία μ’,
επέρες τ’ εμόν την ψ̌ην
Με τα παλαλά ντ’ ευτάς
θα βάλτς με͜ απέσ’ σο ταφίν

Μίαν λες για τ’ εμέν ζεις,
ύστερα «’κι θέλω σε»
Μίαν λες «για τ’ εσέν ζω»,
ύστερα «’κι θέλω σε»
Οξ̌ωκά σκοτίαν έν’
λες με «εξημέρωσεν»

Θα στείλτς με ση χαμονήν
κι εσύ ’κ’ εγροικάς ατο
Ό,τι λέγ’νε σε οι άλλ’
εσύ πας ευτάς ατο

Θέλω να φεύω απ’ εσέν,
πολεμώ και ’κ’ επορώ
Θα στείλτς με ξαν σο κρεμόν
κι εγώ ατό ’κ’ εγροικώ

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
βάλτς	βάζεις, τοποθετείς
εγροικάς	καταλαβαίνεις
εγροικώ	καταλαβαίνω
εμόν	δικός/ή/ό μου	ἐμοῦ
έν’	είναι
επέρες	πήρες
επορώ	μπορώ
ευτάς	κάνεις, φτιάχνεις	εὐθειάζω
’κ’	δεν	οὐκί<οὐχί
’κι	δεν	οὐκί<οὐχί
κρεμόν	γκρεμό
λέγ’νε	λένε
μίαν	μια φορά
ξαν	πάλι, ξανά
οξ̌ωκά	έξω
παλαλά	τρελά, τρέλες
σκοτίαν	σκοτάδι
στείλτς	στέλνεις
ταφίν	τάφος
φεύω	φεύγω
χαμονήν	χαμό, όλεθρο
ψ̌ην	ψυχή