Ποίος εξέρ’;

Προβολή Τραγουδιού

Αγαπώ τα έμορφα | Κ. Καραπαναγιωτίδης Νο11

Στιχουργοί: Σοφία Σπάλλα-Κωνσταντινίδου

Καλλιτέχνες: Δημήτρης Κουγιουμτζίδης, Κώστας Καραπαναγιωτίδης

Τραγωδώ, μάνα, κι η ψ̌η μ’ κλαίει
θα̤ρρείς μοιρολογά με
Θα̤ρρείς οι δύ’ μουν σο ταφίν
εχπάσταμε και πάμε

Τερώ τίναν αφήνω οπίσ’
και ποίος έν’ σο γιάνι μ’
Κι ατή φτουλίεται και κλαίει
κουπίεται απάν’ ι-μ’

Κλώθω τα λόγια μ’, τη γαϊτέ -ν,
«τσ̌άπαν μ’ ευτάς» λέει «κόπον»
«Τα δάκρυ͜α σ’ τρέχ’νε σα κρυφά
και καίγ’νε εμέν...το ψ̌όπο σ’»

Σ’κώνω κορώνα,¹ ’κι τρομάζ’
πάει ίσα η λαλία μ’
Ποίος εξέρ’ ντο τσ̌απαλαεύ’
σο αίμαν η καρδία μ’

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
γαϊτέ	μελωδία, μουσική σύνθεση, μουσικός σκοπός	kayde
γιάνι	πλάι, πλευρό	yan
δύ’	δύο
έν’	είναι
εξέρ’	ξέρω/ει, γνωρίζω/ει
ευτάς	κάνεις, φτιάχνεις	εὐθειάζω
εχπάσταμε	αναχωρήσαμε, κινήσαμε για
καίγ’νε	καίνε
’κι	δεν	οὐκί<οὐχί
κλώθω	κλώθω, γυρνώ
κορώνα	(ή κορόνα) κουρούνα, μτφ. προσφώνηση γυναίκας (για γυναίκα που χήρεψε), μτφ. καημένη	κορώνη
κουπίεται	αντιστρέφεται, πέφτει μπρούμυτα, χύνεται
λαλία	λαλιά, φωνή
μουν	μας
οπίσ’	πίσω
ποίος	(ερωτημ.) ποιός, (αναφ.αντων.) όποιος
σ’κώνω	σηκώνω
ταφίν	τάφος
τερώ	κοιτώ
τίναν	ποιον/α
τραγωδώ	τραγουδάω
τρέχ’νε	τρέχουν
τρομάζ’	τρέμει
τσ̌απαλαεύ’	παλεύω/ει, αγκομαχώ/εί	çabalamak
τσ̌άπαν	τζάμπα, δωρεάν, μάταια	caba/cabāˀ
φτουλίεται	μαδιέται, τραβά τα μαλλιά του, ξεπουπουλιάζεται
ψ̌η	ψυχή
ψ̌όπο	ψυχούλα

Σημειώσεις

¹ Εδώ ως «ανεβάζω τον τόνο της φωνής μου»