Να ’ίνεται το ταίρι σ’

Προβολή Τραγουδιού

Αγαπώ τα έμορφα | Κ. Καραπαναγιωτίδης Νο11

Στιχουργοί: Σοφία Σπάλλα-Κωνσταντινίδου

Καλλιτέχνες: Δημήτρης Κουγιουμτζίδης, Κώστας Καραπαναγιωτίδης

Κόκκινον τριαντάφυλλον
[τρυγόνι μ’, τρυγονίτσα / Τσ̌οφούλι μ’, Τσ̌οφουλίτσα]
κρατείς, πουλί μ’, σο χ̌έρι σ’
[γιαρ x3, αμάν / όι x3, αμάν]
Και λες, τίναν θα δί’ς ατο
[τρυγόνι μ’, τρυγονίτσα / Τσ̌οφούλι μ’, Τσ̌οφουλίτσα]
να ’ίνεται το ταίρι σ’;
[γιαρ x3, αμάν / όι x3, αμάν]

Κι εγώ ο μαύρον ένουμ’νε
[τρυγόνι μ’, τρυγονίτσα / Τσ̌οφούλι μ’, Τσ̌οφουλίτσα]
τ’ εσόν σερίν ατώρα
[γιαρ x3, αμάν / όι x3, αμάν]
και κλώσκουμαι ολόερα
[τρυγόνι μ’, τρυγονίτσα / Τσ̌οφούλι μ’, Τσ̌οφουλίτσα]
κι όλο τερώ την ὼρα
[γιαρ x3, αμάν / όι x3, αμάν]

Μα εσύ χτουπί͜εις, φτιλί͜εις και χάντς
[τρυγόνι μ’, τρυγονίτσα / Τσ̌οφούλι μ’, Τσ̌οφουλίτσα]
τα φύλλα έναν-έναν
[γιαρ x3, αμάν / όι x3, αμάν]
Ν’ αηλί τη καρδι͜άς ι-μ’ σην γην
[τρυγόνι μ’, τρυγονίτσα / Τσ̌οφούλι μ’, Τσ̌οφουλίτσα]
τα φύλλα τα καημένα
[γιαρ x3, αμάν / όι x3, αμάν]

Εκλίστα κι ετοπλάεψα
[τρυγόνι μ’, τρυγονίτσα / Τσ̌οφούλι μ’, Τσ̌οφουλίτσα]
τα φύλλα έναν-έναν
[γιαρ x3, αμάν / όι x3, αμάν]
Του κάκου κι αν εράεψα
[τρυγόνι μ’, τρυγονίτσα / Τσ̌οφούλι μ’, Τσ̌οφουλίτσα]
τη γιατρειά μ’ σα ξένα
[γιαρ x3, αμάν / όι x3, αμάν]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
ατώρα	τώρα
γιαρ	αγαπητός/ή/ό, αγάπη	yâr
δί’ς	δίνεις
εκλίστα	έσκυψα, έκλινα
ένουμ’νε	έγινα
εράεψα	έψαξα, γύρεψα, αναζήτησα	aramak
εσόν	δικός/ή/ό σου
ετοπλάεψα	μάζεψα, συγκέντρωσα	toplamak
’ίνεται	γίνεται
κλώσκουμαι	γυρίζω, επιστρέφω
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ολόερα	ολόγυρα
σερίν	δροσιά, δροσερό μέρος υπό σκιά	serin
τερώ	κοιτώ
τίναν	ποιον/α
τρυγόνι	το πουλί τρυγόνι, χαϊδευτική προσφώνηση γυναίκας
τρυγονίτσα	(υποκορ.) το πουλί τρυγόνι, χαϊδευτική προσφώνηση γυναίκας
φτιλί͜εις	μαδάς, ξεπουπουλίζεις	πτίλον
χάντς	χάνεις, παύεις να έχεις, διώχνεις
χτουπί͜εις	μαδάς, ξεμαλλιάζεις	εκτοπίζω
ὼρα	ρολόι