Χορόντας και τραγωδίας

Προβολή Τραγουδιού

Καλλιτέχνες: Γιώτης Γαβριηλίδης, Παναγιώτης Κογκαλίδης

Ε! κορτσόπον, έμορφον,
έλα έμπα σο χορόν
Έλα -ν- ας χορεύομε,
εντάμαν μασχαρεύομε

Ας χορεύομ’ τικ μονόν
κι επεκεί το τρομαχτόν
Τσάκωμαν σο γόνατον,
τρυγόνα μ’, ους να μερών’

Παλληκάρ’ σύρ’ το τοξάρ’
κι εγώ παίρω εχτιπάρ’
Τραγωδώ αποπέσ’ ’ς σην ψ̌η μ’
για να χ̌αίρεσαι, γιαβρί μ’

Στέφανουμες σο ραχ̌ίν
σου Α’έρ’ το μοναστήρ’
Χορόντας και τραγωδίας
σο αλών’ τη Παναΐας

Γλωσσάρι

Κείμενο	Επεξήγηση	Ετυμ. Ρίζα
Α’έρ’	Αη-Γιώργη
αλών’	αλώνι
αποπέσ’	από μέσα
γιαβρί	μωρό, μικρό, παιδί	yavru
έμορφον	όμορφο
έμπα	(προστ.) μπες
εντάμαν	μαζί
επεκεί	από εκεί, από τότε, ύστερα, κατόπιν
εχτιπάρ’	αξιοπρέπεια, κύρος, αξιοπιστία	itibar/iʿtibār
κορτσόπον	κοριτσάκι
μασχαρεύομε	αστειευόμαστε, διακωμωδούμε	maskara/masḫara
μερών’	μερώνει, ξημερώνει
ους	ως, μέχρι
παίρω	παίρνω
ραχ̌ίν	βουνό, ράχη
’ς	(ας) από
σύρ’	σύρω/ει, τραβάω/ει, ρίχνω/ει
τοξάρ’	δοξάρι
τραγωδίας	τραγούδια
τραγωδώ	τραγουδάω
τρομαχτόν	ονομασία ποντιακού χορού
τρυγόνα	το πουλί τρυγόνι, χαϊδευτική προσφώνηση γυναίκας
τσάκωμαν	σπάσιμο
χορεύομ’	χορεύουμε
χορεύομε	χορεύουμε
χορόντας	(ονομ. τα) χοροί, (αιτ.) χορούς
ψ̌η	ψυχή