Τ’ αρνί μ’ επέρεν το μαχαίρ’

Προβολή Τραγουδιού

Καλλιτέχνες: Γιώργος Σοφιανίδης, Μιχάλης Καλιοντζίδης

Τ’ αρνί μ’ επέρεν το μαχ̌αίρ’
εντώκεν σην καρδία μ’
Τρανόν γεράν εποίκε με,
’κι λαρούται καμίαν

Χ̌ορίτσα μ’, να ελέπω σε
κουτούλα ματωμέντσα
Να κλαις και να φτουλίεσαι,
να πας τ’ αντρού χαμέντσα

[Και -ν-] Ήλιε μ’, όντες θα βασιλεύ’ς
έπαρ’ κι εμέν τον ξένον
Εκεί εμέναν αναμέν’
καρδίαν πονεμένον

Γλωσσάρι

Κείμενο	Επεξήγηση	Ετυμ. Ρίζα
αναμέν’	περιμένει
αντρού	άντρα
βασιλεύ’ς	βασιλεύεις, δύεις
γεράν	πληγή, τραύμα	yara
ελέπω	βλέπω
εντώκεν	χτύπησε
έπαρ’	(προστ.) πάρε
επέρεν	πήρε
εποίκε	έκανε, έφτιαξε	ποιέω-ῶ
καμίαν	ποτέ
’κι	δεν	οὐκί<οὐχί
κουτούλα	αυτή που τραβάει τα μαλλιά της, προσφώνηση χήρας γυναίκας
λαρούται	γιατρεύεται, θεραπεύεται
ματωμέντσα	ματωμένη
μαχ̌αίρ’	μαχαίρι
όντες	όταν
φτουλίεσαι	μαδιέσαι, τραβάς τα μαλλιά σου, ξεπουπουλίζεσαι	πτίλον
χ̌ορίτσα	χηρούλα
χαμέντσα	χαμένη