Αρ’ εμπάτεν σο χορόν

Προβολή Τραγουδιού

Καλλιτέχνες: Αντώνης Νικηφορίδης, Γιώργος Ορφανίδης

Αρχινώ την τραγωδίαν,
αρ’ εμπάτεν σο χορόν
Χορέψτεν με την καρδίαν
σήμερον ους να μερών’

Τα ποτήρι͜α σουν σα χ̌έρι͜α
με ρακίν και με κρασίν
Σον Θεόν σην Παναΐαν
ευτάμε τρανόν ευχ̌ήν

«Εις υγείαν» ούλ’ ας λέμε
εντάμαν αδελφωμέν’
Με την ψ̌ην θα τραγωδώ σας
σίτι͜α παίζ’ η κεμεντζ̌έ -ν

Για τον κύρ’ και για τη μάνα
σήμερον θα τραγωδώ
Ξενιτειά, σεβντά, μουράτι͜α,
ψ̌η μ’, ούλι͜α θ’ αναστορώ

Γλωσσάρι

Κείμενο	Επεξήγηση	Ετυμ. Ρίζα
αναστορώ	θυμάμαι, αναπολώ
εμπάτεν	(προστ.) μπείτε
εντάμαν	μαζί
ευτάμε	κάνουμε, φτιάχνουμε	εὐθειάζω
κεμεντζ̌έ	λύρα	kemençe/kemānçe
κύρ’	πατέρα
μερών’	μερώνει, ξημερώνει
μουράτι͜α	επιθυμίες, πόθοι	murat/murād
ούλ’	όλοι
ούλι͜α	όλα
ους	ως, μέχρι
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεβντά	αγάπη, έρωτας	sevda/sevdā
σίτι͜α	καθώς, ενώ	σόταν<εις όταν
σουν	σας
τραγωδίαν	τραγούδι
τραγωδώ	τραγουδάω
χορέψτεν	(προστ.) χορέψτε
ψ̌η	ψυχή
ψ̌ην	ψυχή