Ποντιέσσα, ζηλευτέσσα

Προβολή Τραγουδιού

Καλλιτέχνες: Μπάμπης Κεμανετζίδης, Σταύρος Σαββίδης, Στέλιος Χαλκίδης

Εσύ, πόντιον κορτσόπον,
άσπρον είσαι τσ̌ιτσ̌εκόπον
Έμορφον έν’ η λαλία σ’
Αχ! να τρώγω ’γώ τα ψ̌ήα σ’

Πιτσ̌ιμλία τα μαλλία σ’
έμορφα ’κχ̌ύγουν σ’ ωμία σ’
Τ’ ομμάτι͜α σ’ τηνάν τερούνε
να κοιμούνταν ’κ’ επορούνε

Ποντιέσσα, έμορφεσσα,
τσ̌αλιμτσ̌ίσσα, πεταχτέσσα
Εσέν ορωματι͜άγουνταν
όλ’ για να παντρεύκουνταν

Είσαι, ψ̌όπο μ’, ζηλευτέσσα,
άμον τον ήλεν ζεστέσσα
Ασ’ όλτς πολλά εσύ φωτά͜εις,
άμον άγγελος ομοι͜άεις

Εσέν πολλοί καμαρών’νε,
«πρόσωπον φεγγάρ’ έχ̌’», λένε
Άστρον είσαι και φωτά͜εις,
για τον ουρανόν ταιριά͜εις

Ποντιέσσα, έμορφεσσα,
τσ̌αλιμτσίσσα, πεταχτέσσα
Εσέν ορωματι͜άγουνταν
όλ’ για να παντρεύκουνταν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ασ’	από
έμορφα	όμορφα
έμορφεσσα	όμορφη
έμορφον	όμορφο
έν’	είναι
επορούνε	μπορούν
έχ̌’	έχει
ζεστέσσα	ζεστή
ζηλευτέσσα	ζηλευτή
ήλεν	ήλιος/ήλιο
’κ’	δεν	οὐκί<οὐχί
κοιμούνταν	κοιμούνται
κορτσόπον	κοριτσάκι
’κχ̌ύγουν	εκχύνοτναι, χύνονται, εκρέουν	εκχύνω<ἐγχέω< ἐν + χέω
λαλία	λαλιά, φωνή
όλ’	όλοι/α
όλτς	όλους
ομμάτι͜α	μάτια
ομοι͜άεις	ομοιάζεις, μοιάζεις
παντρεύκουνταν	παντρεύονται
πιτσ̌ιμλία	όμορφα, καλοσχηματισμένα, κομψά	biçimli
πολλά	(επίθ.) πολλά, (επίρρ.) πολύ
τερούνε	κοιτούν
τηνάν	αυτόν/ην που
τσ̌ιτσ̌εκόπον	λουλουδάκι	çiçek
φωτά͜εις	φωτίζεις, λάμπεις
ψ̌ήα	ψυχές, η περιοχή του στέρνου, τα εσώψυχα
ψ̌όπο	ψυχούλα
ωμία	ώμοι