Θήμισμαν

Προβολή Τραγουδιού

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης

Εφτά ζευγάρι͜α και το τέκ’
κρατούνε τα λαμπάδες
Κι η νύφε εσέβεν σο χορόν
με τοι παρανυφάδες

Ο ποπάς με το θυμιατόν
ευλογίζ’ τα ζευγάρι͜α
Και σο χορόν ο λυριτζ̌ής
γλυκέα σύρ’ τοξάρι͜α

Να ζει η νύφε κι ο γαμπρόν,
κουμπάρον και κουμπάρα
Να ζούνε κι όλ’ οι καλεσμέν’
κι οσήμερον π’ εχάραν

Γλωσσάρι

Κείμενο	Επεξήγηση	Ετυμ. Ρίζα
γλυκέα	(επιρρ.) γλυκά
εσέβεν	μπήκε
εχάραν	χάρηκαν
νύφε	νύφη
όλ’	όλοι/α
οσήμερον	σήμερα
ποπάς	παπάς
σύρ’	σύρω/ει, τραβάω/ει, ρίχνω/ει
τέκ’	μόνο, ένα, μοναδικό	tek
τοι	τους/τις
τοξάρι͜α	δοξαριές