Κατηγοράς με, κορτσόπον

Προβολή Τραγουδιού

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης

expand_content

Κατηγοράς με, κορτσόπον,
[Ν’ αηλί εμέν!]
φαίνεται ’κι αγαπάς με
[όι, όι/έλα-ν-έλα]
Και μετ’ ατό εσύ ντ’ ευτάς
[Ν’ αηλί εμέν!]
πας κακόν να ευτάς με
[όι, όι/έλα-ν-έλα]

Με τ’ ομματί’ σ’ το τέρεμαν
[Ν’ αηλί εμέν!]
τα δά̤κρυ͜α μ’ κατηβαίν’νε
[όι, όι/έλα-ν-έλα]
Κυλίουνταν σο καρδόπο μ’
[Ν’ αηλί εμέν!]
και το ψ̌όπο μ’ μαραίν’νε
[όι, όι/έλα-ν-έλα]

Νουνίζω και ζαλίουμαι,
[Ν’ αηλί εμέν!]
υπομονή ξάι ’κ’ έχω
[όι, όι/έλα-ν-έλα]
Κι ας σο πονοτυρι͜άννιγμαν
[Ν’ αηλί εμέν!]
εγώ άλλο ’κι αντέχω
[όι, όι/έλα-ν-έλα]

Ντό έχω και ντό έπαθα;
[Ν’ αηλί εμέν!]
Ντό κλαίγω και στενάζω;
[όι, όι/έλα-ν-έλα]
Γιατί σίτ’ καλοκάθουμαι
[Ν’ αηλί εμέν!]
βαρέα αναστενάζω;
[όι, όι/έλα-ν-έλα]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
βαρέα	βαριά, συχνά, πολύ
ευτάς	κάνεις, φτιάχνεις	εὐθειάζω
ζαλίουμαι	ζαλίζομαι
’κ’	δεν	οὐκί<οὐχί
καρδόπο	καρδούλα
κατηβαίν’νε	κατεβαίνουν
’κι	δεν	οὐκί<οὐχί
κορτσόπον	κοριτσάκι
κυλίουνταν	κυλιούνται
μετ’	μαζί με (με αιτιατική), με (τρόπος)
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
νουνίζω	σκέφτομαι
ξάι	καθόλου
ομματί’	ματιού
σίτ’	καθώς, ενώ	σόταν<εις όταν
τέρεμαν	βλέμμα, κοίταγμα, μτφ. φροντίδα
ψ̌όπο	ψυχούλα