O πρόσωπος σ’ τραντάφυλλον

Προβολή Τραγουδιού

Σταύρης Πετρίδης - Ηχογράφηση του 1936

[Εχ!] Ο πρόσωπο σ’ τραντάφυλλον,
[ξαν και -ν-] αρνόπο μ’, έλα -ν- έλα
Σα μὲσα σ’ να τυλίγουμαι,
[και/ξαν] τέρ’ με, ψ̌ήκα μ’, και γέλα
Σα μὲσα σ’ να τυλίγουμαι
[και/ξαν και] δύο-τρία φοράς -ι
Όντες τερώ σον πρόσωπο σ’
[ξαν] γιατί αρ’ φεύ’ η χρά σ’ -ι;

[Εφ!] Ατά τ’ ομμάτι͜α [άι] που ελέπ’,
[ξαν και/ξαν] πώς να μην παλαλούται;
Άψιμον να έν’ καίεται,
[ξαν και/ξαν] κρεμός να έν’ σκοτούται

[Εφ!] Τ’ ομματόπα σ’, γιαρ, έμορφα,
[ξαν και] τ’ οφρύδι͜α σ’ πογιαμάδες
Γουρπάν’ σο πόι σ’ να ’ίν’ντανε
[ξαν] δεκαοχτώ γιοσμάδες

[Εφ!] Ση κεμεντζ̌ές ι-μ’ σο κιφάλ’
[ξαν και/ξαν] πουλίν ’κι κοντουρεύω
Τα έμορφα τα κοράσ̌ι͜α,
[ξαν] αρνί μ’, θα καντουρεύω

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
ατά	αυτά
άψιμον	φωτιά
γιαρ	αγαπητός/ή/ό, αγάπη	yâr
γιοσμάδες	κομψοί, λεβέντες νέοι	yosma
γουρπάν’	θυσία	kurban/ḳurbān
ελέπ’	βλέπει/βλέπω
έμορφα	όμορφα
έν’	είναι
’ίν’ντανε	γίνονται
καίεται	καίγεται
καντουρεύω	ξεγελάω, εξαπατάω, κοροϊδεύω	kandırmak
κεμεντζ̌ές	λύρας	kemençe/kemānçe
’κι	δεν	οὐκί<οὐχί
κιφάλ’	κεφάλι
κοντουρεύω	τοποθετώ, βάζω πάνω	kondurmak
κοράσ̌ι͜α	κορίτσια
κρεμός	γκρεμός
μὲσα	(τα) η μέση
ξαν	πάλι, ξανά
ομμάτι͜α	μάτια
ομματόπα	ματάκια
όντες	όταν
οφρύδι͜α	φρύδια
παλαλούται	τρελαίνεται
πογιαμάδες	βαφές μτφ. βαμμένα	boyama
πόι	ύψος, μπόι	boy
σκοτούται	σκοτώνεται
τέρ’	(προστ.) κοίταξε
τερώ	κοιτώ
τραντάφυλλον	τριαντάφυλλο
τυλίγουμαι	τυλίγομαι
φεύ’	φεύγει
φοράς	φορές
χρά	χροιά, το χρώμα του δέρματος
ψ̌ήκα	ψυχούλα