Αρνί μ’, έλα σο παραθύρι σ’

Προβολή Τραγουδιού

Καλλιτέχνες: Γιάννης Σανίδης, Κυριάκος Τριανταφυλλίδης

[Και -ν-] Αρνί μ’, έλα σο παραθύρ’
την τραγωδία μ’ άκ’σον
Θα ξενιτεύω σα μακρά
τραγώδ’ ατα και κλάψον

[Εχ! Και -ν-] Έλα αρνί μ’ παρέβγαλ’ με
και κλώστ’ οπίσ’ και κλάψον
Τ’ εμόν του καρίπ’ τ’ όνεμαν
σ’ είναν βραχ̌ι͜όνα σ’ γράψον

[Εχ! Και -ν-] Η ψ̌η μ’ απάν’ ι-μ’ ’κ’ εχωρεί
σ’ έναν τόπον να στέκω
Τη γούλα μ’ αφκά σο μαχ̌αίρ’
για τ’ εσέναν θα θέκω

Χ̌αίρουμαι απέσ’ σ’ όρωμα μ’
και λέγω «γιάμ’ έν’ ψέμαν;»
Φογούμαι γιάμ’, πουλί μ’, γνεφώ
αμὰν παγών’ το αίμα μ’

Γλωσσάρι

Κείμενο	Επεξήγηση	Ετυμ. Ρίζα
άκ’σον	(προστ.) άκουσε
αμὰν	αμέσως, ευθύς, μονομιάς	hemen/hemān
απάν’	πάνω
απέσ’	μέσα
ατα	αυτά
αφκά	κάτω
βραχ̌ι͜όνα	βραχίονα, μπράτσο	βραχίων
γιάμ’	μήπως, ή μη	ya/yā + μη
γνεφώ	ξυπνώ
γούλα	λαιμός	gula
γράψον	γράψε
είναν	έναν, μία
εμόν	δικός/ή/ό μου	ἐμοῦ
έν’	είναι
εχωρεί	χωράει
θέκω	θέτω, τοποθετώ, βάζω
’κ’	δεν	οὐκί<οὐχί
καρίπ’	μοναχικό, ορφανό, εξαθλιωμένο	garip/ġarīb
κλάψον	(προστ.) κλάψε
κλώστ’	(προστ.) γύρνα/γύρισε, επέστρεψε
μακρά	(επιρρ.) μακριά, (επιθ.) μακρινά, απομακρυσμένα
μαχ̌αίρ’	μαχαίρι
όνεμαν	όνομα
οπίσ’	πίσω
όρωμα	όνειρο
παρέβγαλ’	(προστ.) ξεπροβόδισε
τραγώδ’	(προστ.) τραγούδησε
τραγωδία	τραγούδι
φογούμαι	φοβάμαι
χ̌αίρουμαι	χαίρομαι
ψ̌η	ψυχή