Μάνα αν τυχαίν’ κι ελέπ’ς ατεν

Προβολή Τραγουδιού

Καλλιτέχνες: Δημήτρης Πιπερίδης, Κυριάκος Τριανταφυλλίδης

Μάνα, αν τυχαίν’ κι ελέπ’ς ατεν
ση στράταν κιάν’ να πάει, [γιαρ/γιαρ, γιαρ]
ορώτ’ ατέναν τίναν θέλ’
και τίναν αγαπάει [γιαρ/γιαρ, γιαρ]

Μάνα, αν τυχαίν’ κι ελέπ’ς ατεν
οξ̌ουκά ’ς σο χωρίον, [γιαρ/γιαρ, γιαρ]
[και] πέ’ ατεν τα τερτόπα μου
λάχ̌’ τσ̌ούζ’ ’μέναν ολίγον [γιαρ/γιαρ, γιαρ]

Μάνα, αν τυχαίν’ κι ελέπ’ς ατεν
φέρον με τα χαπέρι͜α τ’ς! [γιαρ/γιαρ, γιαρ]
Πέ’ ατέναν η ψ̌η μ’ θα εβγαίν’
μόνον απέσ’ σα χ̌έρι͜α τ’ς! [γιαρ/γιαρ, γιαρ]

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
ατεν	αυτήν
ατέναν	αυτήν
γιαρ	αγαπητός/ή/ό, αγάπη	yâr
εβγαίν’	βγαίνει
ελέπ’ς	βλέπεις
κιάν’	και άνω, και εξής, και πέρα
λάχ̌’	είθε, μακάρι, μήπως και (με την ελπίδα να συμβεί)
ολίγον	λίγο
οξ̌ουκά	έξω
πέ’	(προστ.) πες
’ς	(ας) από
τερτόπα	(υποκορ.) καημοί, βάσανα, στενοχώριες	dert
τίναν	ποιον/α
τσ̌ούζ’	λυπάμαι/ται, συμπονώ/ά	σίζω
φέρον	(προστ.) φέρε
χαπέρι͜α	ειδήσεις, νέα	haber/ḫaber
ψ̌η	ψυχή