Σύρω τη σεβντάς τον πόνον

Προβολή Τραγουδιού

expand_content

Εξέρτς όνταν εκάθουμ’νες
σ’ αχ̌ερών’ από κάθεν
κι έρθεν η μάνα σ’ είδε μας·
[και -ν-] Ας σα γέλ’τα εχάθεν

Εγέντον ένα χρόνον,
σύρω τη σεβντάς τον πόνον
[Ωχ!] Και για τ’ εσέν, πουλόπο μ’,
πονεί και το καρδόπο μ’

Εξέρτς όνταν εκάθουμ’νε
ση χωραφί’ την άκραν
εποίν’νες με και -ν- έκλαιγα
κι εσπόγγιζες τα δάκρυ͜α μ’

Εγέντον ένα χρόνον,
σύρω τη σεβντάς τον πόνον
Και για τ’ εσέν, πουλόπο μ’,
[αχ!] πονεί και το καρδόπο μ’

[Και -ν-] Εξέρτς όνταν επέγ̆’ναμε,
πουλόπο μ’, σα χορτάρι͜α
Κάθε βούραν και φίλεμαν,
κάθε δεμάτ’ κι αγκάλι͜α

Εγέντον ένα χρόνον,
σύρω τη σεβντάς τον πόνον
Και για τ’ εσέν, πουλόπο μ’,
[αχ!] πονεί και το καρδόπο μ’

Γλωσσάρι

Κείμενο	Επεξήγηση	Ετυμ. Ρίζα
άκραν	άκρη, αρχή
αχ̌ερών’	αχυρώνας
βούραν	χούφτα	vola=η παλάμη του χεριού ή το πέλμα του ποδιού
γέλ’τα	γέλια
εγέντον	έγινε
εκάθουμ’νε	καθόμουν
εκάθουμ’νες	καθόμασταν
εξέρτς	ξέρεις, γνωρίζεις
επέγ̆’ναμε	πηγαίναμε
εποίν’νες	έκανες, έφτιαχνες	ποιέω-ῶ
έρθεν	ήρθε
εσπόγγιζες	σκούπιζες
εχάθεν	χάθηκε
κάθεν	κάτω, κάθε
καρδόπο	καρδούλα
όνταν	όταν
πουλόπο	πουλάκι
σεβντάς	αγάπης, έρωτα	sevda/sevdā
σύρω	σέρνω, τραβώ, ρίχνω
φίλεμαν	φιλί
χωραφί’	χωραφιού