Προβολή Τραγουδιού
Η άνοιξη
Πόντος-Καύκασος-ΕλλάδαΣτιχουργοί: Πόλυς Πασχαλίδης
Συνθέτες: Πόλυς Πασχαλίδης
Καλλιτέχνες: Γιάννης Κοπαλάς, Γιώργος Ατματσίδης
Έρ’ται ένας καιρός ’κ’ επορείς να κοιμάσαι Μεθείς και τα πουλόπα πρωί-πρωί αφουκράσαι Σ’ οσπίτι σ’ χ̌ελιδόνι͜α πετούνε σα μπαλκόνι͜α Παντού κέσ’ τραγωδίας ας σ’ έμορφα λαλίας Η άνοιξη, η άνοιξη, νύφε στεφανωμέντσα άμον δεκαεξάχρονον κορτσόπον στολισμέντσα Έρ’ται ένας καιρός όλα ση γην αλλάζ’νε Ο ήλον τον κόσμον χουλέν’ κι όλα ση γην φωτάζ’νε Τρανύν’νε τα χορτάρι͜α, σ̌κεπάζ’νε τα λιθάρι͜α Σα φύλλα, σα κλαδόπα πετούνε τα πουλόπα Η άνοιξη, η άνοιξη, νύφε στεφανωμέντσα άμον δεκαεξάχρονον κορτσόπον στολισμέντσα Έρ’ται ένας καιρός που όλα πρασινίζ’νε Ραχ̌ία και λιβάδι͜α και λουλουδόπα ανθίζ’νε Τα ημέρας τρανύν’νε, τα παραθύρι͜α ανοί’νε Παντού κέσ’ ευωδίας, παντού χαράς λαλίας Η άνοιξη, η άνοιξη, νύφε στεφανωμέντσα άμον δεκαεξάχρονον κορτσόπον στολισμέντσα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ||
| ανθίζ’νε | ανθίζουν | ||
| αφουκράσαι | αφουγκράζεσαι | ||
| έμορφα | όμορφα | ||
| επορείς | μπορείς | ||
| έρ’ται | έρχεται | ||
| ’κ’ | δεν | ουκί<οὐχί | |
| κέσ’ | εκεί γύρω, εκεί κάπου, εκεί περίπου | κέσου | |
| κλαδόπα | κλαδάκια | ||
| κορτσόπον | κοριτσάκι | ||
| λαλίας | λαλιές, φωνές, (γεν. ενικού) φωνής | ||
| λιθάρι͜α | λιθάρια, πέτρες | ||
| νύφε | νύφη | ||
| πουλόπα | πουλάκια | ||
| πρασινίζ’νε | πρασινίζουν | ||
| ραχ̌ία | ράχες, βουνά | ||
| σ̌κεπάζ’νε | σκεπάζουν | ||
| στεφανωμέντσα | στεφανωμένη | ||
| στολισμέντσα | στολισμένη | ||
| τραγωδίας | τραγούδια | ||
| τρανύν’νε | μεγαλώνουν, ανατρέφουν | ||
| φωτάζ’νε | φωτίζουν, λάμπουν | ||
| χουλέν’ | ζεσταίνει, θερμαίνει |