Τσαλουμόπα, τσαχπινόπα

Προβολή Τραγουδιού

Συνθέτες: Κώστας Σαχινίδης, Κώστας Σιώπης

Καλλιτέχνες: Κώστας Σιώπης, Χρήστος Παπαδόπουλος

Τσ̌αλουμόπα πάντα ευτάγ’νε
και καρδόπα πάντα κάγ’νε
Τα κορτσόπα, τα παιδόπα
και όλα̤ τα νυφαδόπα

Τσ̌αλουμόπα, τσ̌αχπινόπα
τα κορτσόπα, τα νυφόπα
Με ναζόπα και με κόλπα
καντουρεύ’νε τα παιδόπα

Με τα νάζα̤, με τα χάδα̤
δα̤βαίν’νε όλα̤ τα βράδα̤
’Κι φογούνταν τα σκοτάδα̤
κι ούτε έχ’νε χτυποκάρδα̤

Τσ̌αλουμόπα, τσ̌αχπινόπα
τα κορτσόπα, τα νυφόπα
Με ναζόπα και με κόλπα
καντουρεύ’νε τα παιδόπα

Νύχταν, ημέραν γυρίζ’νε
και -ν- ατά ’δέν ’κι νουνίζ’νε
Άλλα κάρδα̤ς να κλαινίζ’νε
κι άλλα να χαρεντερίζ’νε

Αέτσ’ έλλαξαν τα χρόνα̤,
τα καρδόπα ’κ’ έχ’νε πόνα̤
κι άλλο λέγ’νε και γελούνε
σ’ αβούτ’ τη ζωή ντο ζούμε

Τσ̌αλουμόπα, τσ̌αχπινόπα
τα κορτσόπα, τα νυφόπα
Με ναζόπα και με κόλπα
καντουρεύ’νε τα παιδόπα

Τσ̌αλουμόπα πάντα ευτάγ’νε
και καρδόπα πάντα κάγ’νε
Τα κορτσόπα, τα παιδόπα
και [-ν-] όλα̤ τα νυφαδόπα

Γλωσσάρι

Κείμενο	Επεξήγηση	Ετυμ. Ρίζα
αβούτ’	αυτό/ή, αυτοί/ές/ά
αέτσ’	έτσι
ατά	αυτά
γυρίζ’νε	γυρίζουν
δα̤βαίν’νε	(για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν	διαβαίνω
’δέν	τίποτα
έλλαξαν	άλλαξαν
ευτάγ’νε	κάνουν, φτιάχνουν	εὐθειάζω
έχ’νε	έχουνε
’κ’	δεν	οὐκί<οὐχί
καντουρεύ’νε	ξεγελούν, εξαπατούν, κοροϊδεύουν	kandırmak
καρδόπα	καρδούλες
’κι	δεν	οὐκί<οὐχί
κλαινίζ’νε	στενοχωρούν, κάνουν κάποιον να κλάψει
κορτσόπα	κοριτσάκια
λέγ’νε	λένε
νάζα̤	νάζια
νουνίζ’νε	σκέφτονται
νυφαδόπα	νυφούλες
νυφόπα	νυφούλες
παιδόπα	παιδάκια
πόνα̤	(αιτ.) πόνοι, πόνους
τσ̌αλουμόπα	ναζάκια, σκερτσάκια	çalım
φογούνταν	φοβούνται
χάδα̤	χάδια
χαρεντερίζ’νε	χαροποιούν, ψυχαγωγούν
χρόνα̤	χρόνια