Σούκ’ και για πέει με ντό θα ’φτας

Προβολή Τραγουδιού

Σούκ’ και για πέει με ντό θα ’φτας,
[N’ αηλί εμέν!]
εβράδυνεν θα πάγω
[έλα -ν- έλα/πάτ’ και δέβα]
Και για τ’ εσέν, τρυγονόπο μ’,
[N’ αηλί εμέν!]
τα παλαλά ντ’ ευτάγω!
[έλα -ν- έλα/πάτ’ και δέβα]

Τρυγόνα μ’, όθεν κέσ’ πορπατείς,
[N’ αηλί εμέν!]
εγώ να έμ’ το χώμαν
[έλα -ν- έλα/πάτ’ και δέβα] 
Ν’ ακούω και την καλατσ̌ή σ’
[N’ αηλί εμέν!]
ας σο γλυκύν το στόμαν
[έλα -ν- έλα/πάτ’ και δέβα]

Η ψ̌η μ’ έν’ μαύρον άψιμον
[N’ αηλί εμέν!]
και πράσινον φωτίαν
[έλα -ν- έλα/πάτ’ και δέβα]
Θα έν’ κουσμέτ’ να ελέπω σε,
[N’ αηλί εμέν!]
αρνόπο μ’, αλλομίαν;
[έλα -ν- έλα/πάτ’ και δέβα]

Ο ουρανόν ελίβωσεν,
[N’ αηλί εμέν!]
η γην ετσ̌αμουρώθεν
[έλα -ν- έλα/πάτ’ και δέβα]
Ας σην εγάπ’ π’ ερρώστεσεν
[N’ αηλί εμέν!]
καμίαν ’κ’ ελαρώθεν
[έλα -ν- έλα/πάτ’ και δέβα]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αλλομίαν	άλλη μια φορά
αρνόπο	αρνάκι, χαϊδευτική προσφώνηση γυναίκας
άψιμον	φωτιά
γλυκύν	γλυκιά/ό
δέβα	(προστ.) πήγαινε
εβράδυνεν	βράδιασε
εγάπ’	αγάπη
ελαρώθεν	γιατρεύτηκε, θεραπεύτηκε
ελέπω	βλέπω
ελίβωσεν	συννέφιασε
έμ’	ήμουν
έν’	είναι
ερρώστεσεν	αρρώστησε
ετσ̌αμουρώθεν	γέμισε λάσπες	çamur
ευτάγω	κάνω, φτιάχνω	εὐθειάζω
’κ’	δεν	οὐκί<οὐχί
καλατσ̌ή	ομιλία, συνομιλία, συζήτηση	keleci=καλός λόγος (Παλαιά Τουρκική Ανατολίας)
καμίαν	ποτέ
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
κουσμέτ’	τυχερό, μοίρα, ριζικό	kısmet/ḳismet
όθεν	όπου, οπουδήποτε, σε όποιον
παλαλά	τρελά, τρέλες
πάτ’	(προστ.) πάτησε, πάτα
πέει	(προστ.) πες
πορπατείς	περπατάς
σούκ’	(προστ.) σήκω
τρυγόνα	το πουλί τρυγόνι, χαϊδευτική προσφώνηση γυναίκας
τρυγονόπο	μικρό τρυγόνι
’φτας	(ευτάς) κάνεις, φτιάχνεις	εὐθειάζω
ψ̌η	ψυχή