Να δοξάζω τον Θεόν

Προβολή Τραγουδιού

Εγώ ποντιοπούλ’ είμαι, τ’ όνομα μ’ έν’ Ηλία

Καλλιτέχνες: Γιώργος Αμαραντίδης, Ηλίας Υφαντίδης

Να δοξάζω τον Θεόν
ντο επλάστα πόντιος
Λυριτζ̌ής και τραγωδι͜άνος,
πόντιος και μασκαρι͜άνος

Ντ’ έμορφον έν’ η ζωή
όντες είν’ ανθρώπ’ καλοί
Ας ζούμε / είμες αγαπημέν’,
αδά κανείς ’κι απομέν’

Έλα, έμπα σο χορόν
απάν’ σην καϊτέν τ’ εμόν
Χόρεψον κι εμέναν τέρεν,
η ψ̌η μ’ άψιμον επέρεν

Ντ’ έμορφον έν’ η ζωή
όντες είν’ ανθρώπ’ καλοί
Ας ζούμε / είμες αγαπημέν’,
αδά κανείς ’κι απομέν’

Άστρα μη θυμώνετε,
για τ’ εμένα μη λέτεν
Τραγωδώ για την εγάπη μ’,
’κι κοιμούμαι σο κρεβάτι μ’

Ντ’ έμορφον έν’ η ζωή
όντες είν’ ανθρώπ’ καλοί
Ας ζούμε / είμες αγαπημέν’,
αδά κανείς ’κι απομέν’

Εσύ, τ’ όραμαν τ’ εμόν,
εσύ, το μονάκριβο μ’
Ση ζωή μ’ εποίκα τάμαν,
οι δύος να ζούμ’ εντάμαν

Ντ’ έμορφον έν’ η ζωή
όντες είν’ ανθρώπ’ καλοί
Ας ζούμε / είμες αγαπημέν’,
αδά κανείς ’κι απομέν’

Γλωσσάρι

Κείμενο	Επεξήγηση	Ετυμ. Ρίζα
αγαπημέν’	αγαπημένοι
αδά	εδώ
ανθρώπ’	άνθρωποι
απάν’	πάνω
απομέν’	απομένει
άψιμον	φωτιά
δύος	δύο
εγάπη	αγάπη
είμες	είμαστε
είν’	(για πληθ.) είναι
εμόν	δικός/ή/ό μου	ἐμοῦ
έμορφον	όμορφο
έμπα	(προστ.) μπες
έν’	είναι
εντάμαν	μαζί
επέρεν	πήρε
επλάστα	πλάστηκα, δημιουργήθηκα, εμφανίστηκα
εποίκα	έκανα, έφτιαξα	ποιέω-ῶ
καϊτέν	μελωδία, μουσική σύνθεση, μουσικός σκοπός	kayde
’κι	δεν	οὐκί<οὐχί
κοιμούμαι	κοιμάμαι
λέτεν	λέτε
μασκαρι͜άνος	που προκαλεί γέλιο και ευθυμία, αστείος	maskara/masḫara
όντες	όταν
όραμαν	όνειρο
τέρεν	(προστ.) κοίταξε
τραγωδι͜άνος	τραγουδιστής
τραγωδώ	τραγουδάω
χόρεψον	(προστ.) χόρεψε
ψ̌η	ψυχή