Απάν’ σον κόσμον απομέν’

Προβολή Τραγουδιού

Καλλιτέχνες: Αβραάμ Γκόσιος, Γιάννης Γκόσιος

Να είχα καρδι͜ά σίδερον
γεράν να μη εφέρ’νεν
Όλια τη κοσμί’ τα λόγια
να επόρ’νεν κι υποφέρ’νεν

Θεέ μ’, για δος μα υπομονήν,
δος μα παρηγορίαν
Πολλά είδαν τ’ ομματόπα μ’,
πολλά έκ’σαν τ’ ωτία μ’

Η ζωή πολλά ολίγον έν’
σ’ ατό την κοινωνίαν
Απάν’ σον κόσμον απομέν’
μόνον έναν κακίαν

Ήλε μ’, αδ’ απάν’ σον κόσμον
είσαι μοναχογιός -ι
Παρηγορίαν έχω εγώ
μόνον τ’ εσόν το φως -ι

Γλωσσάρι

Κείμενο	Επεξήγηση	Ετυμ. Ρίζα
αδ’	εδώ
αδ’ απάν’	εδώ πάνω
απάν’	πάνω
απομέν’	απομένει
γεράν	πληγή, τραύμα	yara
δος	δώσε
δος μα	δώσε μου
έκ’σαν	άκουσαν
έν’	είναι
επόρ’νεν	μπορούσε
εσόν	δικός/ή/ό σου
κοσμί’	κόσμου
όλια	όλα
ολίγον	λίγο
ομματόπα	ματάκια
παρηγορίαν	παρηγοριά
πολλά	(επίθ.) πολλά, (επίρρ.) πολύ
υποφέρ’νεν	υπέφερε
ωτία	αυτιά