Προβολή Τραγουδιού

Για τ’ εσέν ’κχ̌ύνω δάκρυ͜α

Καλλιτέχνες: Αβραάμ Γκόσιος, Γιάννης Γκόσιος

Εποίκες με και λάσκουμαι
σα στράτας σα σοκάκια
’Κ’ εδώκες με έναν χαράν
να παίρω τα μουράτι͜α μ’

Για τ’ εσέν κλαίω και πονώ,
για τ’ εσέν ’κχ̌ύνω δάκρυ͜α
Για τ’ εσέν τυρα̤ννίγουμαι
και για τ’ εσέν εχάθα

Μ’ ευτάς με, πουλί μ’, και πονώ
μ’ ευτάς με γεσιρόπον
Για ποίσον με έναν ισ̌μάρ’
σύρον κι έπαρ’ το ψ̌όπο μ’

Εμέν, πουλί μ’, μη τυρα̤ννί͜εις
και μη καίεις την καρδία μ’
Να καλατσ̌εύω ’κ’ επορώ,
τσουρούται η λαλία μ’

Γλωσσάρι

Κείμενο	Επεξήγηση	Ετυμ. Ρίζα
γεσιρόπον	κυριολ. αιχμάλωτος μτφ. ταλαίπωρος, αυτός που έχει υποστεί κακουχίες	esir
εδώκες	έδωσες
έπαρ’	πάρε (προστ.)
εποίκες	έκανες, έφτιαξες	ποιέω-ῶ
επορώ	μπορώ
ευτάς	κάνεις, φτιάχνεις	εὐθειάζω
εχάθα	χάθηκα
ισ̌μάρ’	νεύμα, νόημα	işmar/նշմար
’κ’	δεν	ουκί<οὐχί
καλατσ̌εύω	μιλάω, συνομιλώ, συζητώ	keleci=καλός λόγος (Παλαιά Τουρκική Ανατολίας)
’κχ̌ύνω	χύνω, περιχύνω
λαλία	λαλιά, φωνή
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μουράτι͜α	επιθυμίες, πόθοι	murat/murād
παίρω	παίρνω
ποίσον	κάνε, φτιάξε (προστ.)	ποιέω, ποιῶ
στράτας	δρόμοι (ονομ.), δρόμους (αιτ.)
σύρον	σύρε, τράβα, ρίξε (προστ.)
τσουρούται	στεγνώνει, στραγγίζεται	σειρώ=εκκενώνω, αδειάζω
τυρα̤ννί͜εις	τυραννάς, ταλαιπωρείς
τυρα̤ννίγουμαι	τυραννιέμαι, ταλαιπωρούμαι
ψ̌όπο	ψυχούλα