Απάν’ σ’ άλογον είμαι

Προβολή Τραγουδιού

Καλλιτέχνες: Γιωργούλης Κουγιουμτζίδης, Γιώτης Γαβριηλίδης

Απάν’ σ’ άλογον είμαι [νε, αμάν!]
[Αμάν!] βασιλόπουλον είμαι
Έπαρ’ με, κόρ’, έπαρ’ με, [νε, αμάν!]
[Αμάν!] καλόν παιδόπον είμαι

[Αμάν!] Μέντσον κι έπαρ’ με, πουλί μ’, σην οντά σ’
[Αμάν!] Αγκαλιάστ’ και φίλ’ με, ρίζα μ’, μ’ ερωτάς
Πουλί μ’, μ’ ερωτάς!

Σύρω εγώ το δουκάλ’ [νε, αμάν!]
[Αμάν!] έμπρι͜α σ’ εσόν τ’ αποσκάλ’
Να στέκω κι ελέπω σε [νε, αμάν!]
[Αμάν!] Κόρη, πολλά θέλω σε!

[Αμάν!] Όνταν έρχουμαι σην πόρτα σ’, άνοιξον!
[Αμάν!] Για τ’ εμέν τον κυρ’-τ- σ’ τη μάνα σ’, τάβιξον!
Πουλί μ’, τάβιξον!

Στέκω και παρακαλώ [νε, αμάν!]
εσέν, πουλί μ’, αγαπώ
[Αμάν!] Πολλά εσέν αγαπώ
Κι αν ’κι θέλτς θ’ αρπάζω σε, [νε, αμάν!]
[Αμάν!] εσέν φυγαδι͜άζω σε

[Αμάν!] Μέντσον κι έπαρ’ με, πουλί μ’, σην οντά σ’
[Αμάν!] Αγκαλιάστ’ και φίλ’ με, ρίζα μ’, μ’ ερωτάς
Πουλί μ’, μ’ ερωτάς!

Γλωσσάρι

Κείμενο	Επεξήγηση	Ετυμ. Ρίζα
αγκαλιάστ’	(προστ.) αγκάλιασε
άνοιξον	(προστ.) άνοιξε
απάν’	πάνω
αποσκάλ’	ημιτελές, ατελές, δουλειά που έχει μείνει στη μέση
δουκάλ’	καπίστρι ζώου
ελέπω	βλέπω
έμπρι͜α	μπροστά
έπαρ’	(προστ.) πάρε
έρχουμαι	έρχομαι
ερωτάς	ρωτάς
εσόν	δικός/ή/ό σου
θέλτς	θέλεις
’κι	δεν	οὐκί<οὐχί
μέντσον	(προστ.) ειδοποίησε, στείλε μήνυμα, πληροφόρησε, παρήγγειλε	μηνύω
οντά	δωμάτιο	oda
όνταν	όταν
παιδόπον	παιδάκι
πολλά	(επίθ.) πολλά, (επίρρ.) πολύ
σύρω	σέρνω, τραβώ, ρίχνω
τάβιξον	(προστ.) μάλωσε, φιλονίκησε, επίπληξε	dava/daʿvā
φίλ’	(προστ. φιλώ) φίλα, (πληθ. φίλον) φίλοι
φυγαδι͜άζω	φυγαδεύω