Προβολή Τραγουδιού

Σην καρδία μ’ έχω πόνον

Καλλιτέχνες: Λάζος Σαλονικίδης, Φάνης Κουρουκλίδης

[Και -ν-] Έναν κορτσόπον αγαπώ
αδά και δέκα χρόνι͜α
Τα κυρουκά τ’ς ’κι δίν’ν ατεν
σην καρδι͜ά μ’ κρούν’ τα πόνι͜α

Σην καρδία μ’ έχω πόνον
θα τρώει τ’ εμόν το ψ̌όπον
[Και -ν-] Άλλο εμέν ’κι θα ελέπ’ς,
πουλί μ’, απάν’ σον κόσμον

[Και] Νουνίζω για να κλέφτ’ ατεν,
να παίρ’ ατεν και φεύω
[Και] Τ’ οσπίτι μ’ ’κ’ ετελείωσα,
σον κύρη μ’ ντο θα λέγω;

Σην καρδία μ’ έχω πόνον
θα τρώει τ’ εμόν το ψ̌όπον
[Και -ν-] Άλλο εμέν ’κι θα ελέπ’ς,
πουλί μ’, απάν’ σον κόσμον

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
απάν’	πάνω
ατεν	αυτήν
δίν’ν	δίνουν
ελέπ’ς	βλέπεις
εμόν	δικός/ή/ό μου	ἐμοῦ
’κ’	δεν	ουκί<οὐχί
’κι	δεν	ουκί<οὐχί
κορτσόπον	κοριτσάκι
κρούν’	χτυπούν
κυρουκά	γονείς
νουνίζω	σκέφτομαι
πόνι͜α	πόνοι
φεύω	φεύγω
ψ̌όπον	ψυχούλα