Σεράντα μήλα κόκκινα

Προβολή Τραγουδιού

Καλλιτέχνες: Ελένη Αναστασιάδου, Φάνης Κουρουκλίδης

Σεράντα μήλα κόκκινα 
[πουλί μ’/γιάβρι μ’]
σ’ έναν μαντίλ’ δεμένα
Σεράντα σέβντας κι αν ευτάς 
[πουλί μ’/γιάβρι μ’]
’κ’ ευρήκ’ς άμον εμέναν

Για έλα, έλα, πουλί μ’,
Μετ’ εμέν έλα, γιάβρι μ’
Το νόστιμον το τέρεμα σ’, πουλί μ’,
θα σύρ’ και παίρ’ τ’ αχούλι μ’

Σεράντα μήλα κόκκινα 
[πουλί μ’/γιάβρι μ’]
ση σειράν τιζεμένα
Έπαρ’, αρνί μ’, και τη στράταν 
[πουλί μ’/γιάβρι μ’]
ντο θα φέρ’ -τ- σε σ’ εμέναν

Για έλα, έλα, πουλί μ’,
Μετ’ εμέν έλα, γιάβρι μ’
Το νόστιμον το τέρεμα σ’, πουλί μ’,
θα σύρ’ και παίρ’ τ’ αχούλι μ’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αχούλι	μυαλό	akıl/ʿaḳl
γιάβρι	μωρό, μικρό, παιδί	yavru
έπαρ’	(προστ.) πάρε
ευρήκ’ς	βρίσκεις
ευτάς	κάνεις, φτιάχνεις	εὐθειάζω
’κ’	δεν	οὐκί<οὐχί
μετ’	μαζί με (με αιτιατική), με (τρόπος)
παίρ’	παίρνω/ει
σέβντας	(πληθ. τα) αγάπες, έρωτες	sevda/sevdā
σεράντα	σαράντα
σύρ’	σύρω/ει, τραβάω/ει, ρίχνω/ει
τέρεμα	βλέμμα
τιζεμένα	αραδιασμένα, βαλμένα στη σειρά	dizmek
φέρ’	φέρνω/ει