Κανείται ντ’ ετυράνντσες με

Προβολή Τραγουδιού

Καλλιτέχνες: Στάθης Πορφυρίδης, Φάνης Κουρουκλίδης

expand_content

Εγάπην ρούσικον κλειδίν
και φράγκικον καμπάναν
Εύρηκον έναν μαχανάν
[Ψ̌η μ’] κι έλα ας μένομε εντάμαν

Κανείται ντ’ ετυρά̤νντσες με,
νε σ̌κύλ’ καταραμένον
Έναν πουρνόν σην αύλι͜α σου
[Ψ̌η μ’] θα ευρήκ’ς με αποθαμένον

Σα ψηλασέας λάσκουμαι,
σα χαμελά γυρίζω
Και συ τον τόπον ντο πατείς
την πόδα σ’ εγνωρίζω

Γλωσσάρι

Κείμενο	Επεξήγηση	Ετυμ. Ρίζα
αποθαμένον	πεθαμένος/ο
αύλι͜α	αυλή
εντάμαν	μαζί
ετυρά̤νντσες	τυράννησες, ταλαιπώρησες
εύρηκον	(προστ.) βρες
ευρήκ’ς	βρίσκεις
κανείται	φτάνει, είναι αρκετό
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μαχανάν	δικαιολογία, άλλοθι	bahane/bahāne<vahānag (μεσ.περσ.)
πόδα	ίχνος, πατημασιά, βήμα
πουρνόν	πρωί, πρωινό, επαύριον
σ̌κύλ’	(γεν.) σκύλου
χαμελά	χαμηλά
ψ̌η	ψυχή
ψηλασέας	ορεινά μέρη