Κάμα επέρα και ρεβόλ’

Προβολή Τραγουδιού

Καλλιτέχνες: Γιώργος Σιαμλίδης, Θόδωρος Κοτίδης

Οσήμερον εγνέφ’σα [όι, όι]
απάν’ σην ανατολήν [όι, όι]
’πλύστα, ’φόρτσα, ενέλλαξα, [όι, όι]
εποίκα και την ευχ̌ή μ’ [ν’ αηλί εμέν]

Την ὼρα, τ’ εγκόλπιο μ’, [όι, όι]
τη κάλης ι-μ’ το ζινίχ̌’ [όι, όι]
Τα φυσ̌έκια, το κιοστέκ’ [όι, όι]
’φόρτσα απάν’ σο καμίσ’ [ν’ αηλί εμέν]

Κάμα επέρα και ρεβόλ’, [όι, όι]
το τουφέκ’ απάν’ σ’ ωμί μ’ [όι, όι]
Τ’ άλογο μ’ ’καβάλκεψα [όι, όι]
το μαύρον, το εγερλίν [ν’ αηλί εμέν]

Σο ραχ̌ίν ευρέθα αμάν [όι, όι]
τ’ εμετέρ’ που πολεμούν [όι, όι]
Κι ας σην Τόγιαν [ντ’] έρχουμαι [όι, όι]
τα θερία θα εγροικούν [ν’ αηλί εμέν]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
απάν’	πάνω
εγερλίν	σελωμένο	eyerli
εγκόλπιο	φυλαχτό που κρεμιέται στο λαιμό και φτάνει περίπου στο μέσο του στήθους
εγνέφ’σα	ξύπνησα
εγροικούν	καταλαβαίνουν
εμετέρ’	δικοί μου/μας	ἡμέτερος
ενέλλαξα	φόρεσα καλά/γιορτινά ρούχα
επέρα	πήρα
εποίκα	έκανα, έφτιαξα	ποιέω-ῶ
έρχουμαι	έρχομαι
ευρέθα	βρέθηκα
ζινίχ̌’	κόσμημα, στολίδι	ziynet/zīnet
θερία	θεριά, θηρία
’καβάλκεψα	(εκαβάλκεψα) ίππευσα, καβάλησα
κάμα	δίκοπο μαχαίρι	kama
καμίσ’	πουκάμισο	καμίσιον<camisia=λινό ρούχο
κιοστέκ’	αλυσίδα που είναι προσαρτημένη στο τέλος ενός ρολογιού	köstek/kūstak (Nişanyan)
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
οσήμερον	σήμερα
ραχ̌ίν	βουνό, ράχη
ρεβόλ’	περίστροφο	revolver
τουφέκ’	τουφέκι	tüfek/tufeng
φυσ̌έκια	φυσίγγια	fişek/fişeng/φῦσιγξ
ωμί	ώμος, ώμο
ὼρα	ρολόι