Γράμμαν μη στείλτς με

Προβολή Τραγουδιού

Καλλιτέχνες: Γιώργος Σιαμλίδης, Θόδωρος Κοτίδης

Γράμμαν μη στείλτς με, γιαβρόπο μ’,
γομάτα τ’ ομματόπα μ’
’Κ’ επορώ ν’ αναγνώθ’ ατο,
τρομάζ’νε τα χ̌ερόπα μ’

Συ ας σο γιάνι μ’ ντ’ έφυγες
τ’ απέσ’ ι-μ’ ερημώθεν
Άμον πουλίν επέταξες
σα μακρά π’ εκομπώθεν

Ση Θεού την ημέραν ’κειάν
τα γέλ’τα σ’ αφουκρούμαι
Όθεν τερώ ευρίεσαι
Θεέ μ’, θα παλαλούμαι!

Κιντίν και βράδον πολεμώ
τ’ ομμάτι͜α μ’ να τσαμμώνω
Σο όραμα μ’ να ελέπω σε
το ψ̌όπο μ’ να ’λαφρώνω

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απέσ’	μέσα
αφουκρούμαι	αφουγκράζομαι
βράδον	βράδυ
γέλ’τα	γέλια
γιαβρόπο	μωράκι, μικρούλι, παιδάκι	yavru + -όπον
γιάνι	πλάι, πλευρό	yan
γομάτα	γεμάτα
εκομπώθεν	ξεγελάστηκε, εξαπατήθηκε, μτφ. σαγηνεύτηκε	κομβόω
ελέπω	βλέπω
επέταξες	πέταξες
επορώ	μπορώ
ερημώθεν	ερημώθηκε
ευρίεσαι	βρίσκεσαι
’κ’	δεν	οὐκί<οὐχί
’κειάν	εκεί πάνω
κιντίν	απόγευμα, δείλι	ikindi
’λαφρώνω	ελαφρύνω
μακρά	(επιρρ.) μακριά, (επιθ.) μακρινά, απομακρυσμένα
όθεν	όπου, οπουδήποτε, σε όποιον
ομμάτι͜α	μάτια
ομματόπα	ματάκια
παλαλούμαι	τρελαίνομαι
στείλτς	στέλνεις
τερώ	κοιτώ
τρομάζ’νε	τρέμουν
τσαμμώνω	κλείνω, σφαλίζω	καμμύω
χ̌ερόπα	χεράκια
ψ̌όπο	ψυχούλα